LEXO PA REKLAMA!

SHKARKO APP

Instalacioni i drurit te Kryeministria/ Këlliçi, akuza Ramës: Stilisti që qëndron pas çdo afere

29 Gusht 2022, 22:10, Politikë CNA
Instalacioni i drurit te Kryeministria/ Këlliçi, akuza
Kryeministri Edi Rama

Deputeti Belind Këlliçi ka reaguar për instalimin e një instalacioni druri në oborrin e Kryeministrisë me tenderin që shkon rreth 4 milionë euro.

Me anë të një statusi në rrjetet sociale, Këlliçi hedh akuza ndaj kryeministrit Edi Rama, për të cilin thotë se qëndron pas çdo afere shumëmilionëshe.

Ai deklaron se Rama e hedh paranë lumë për inceneratorët dhe instalacionin e drurit që e quan vepër artistike, por nuk i ngre kurrë rrogat e pensionet.

“Një dru i shtrembër bëhet instalacion

Edi Rama, stilisti që qëndron pas çdo afere shumëmilionëshe, ai që e hedh paranë lumë për inceneratorë por që nuk ngriti kurrë rroga e pensione, do u marrë shqiptarëve edhe 3.7 milionë euro për të ndërtuar një biçim vepre artistike, nga ato të vetat.

Puna me dru e quajtur "Parku Eden" do të na kushtojë 3.7 milionë euro, me gjithë "hak pune".

Nuk mund ta quanin "Kopshti i Edenit" pasi është shumë larg të qenurit vendi ideal.

Rama nuk heq dorë nga "arti" i vjedhjes.

Shqiptarët duhet të heqin dorë prej tij, jo prej Shqipërisë!”, shkruan deputeti./ B.A. – CNA.al

Lajmet e fundit nga