Ambasada e SHBA-së, mesazh urimi për Begajn/ Presim që të…

4 Qershor 2022, 20:34, Politikë CNA
Ambasada e SHBA-së, mesazh urimi për Begajn/ Presim që
Ambasada e SHBA në Tiranë

Ambasada e SHBA-së në Tiranë ka uruar Bajram Begajn për zgjedhjen si President i Republikës, në seancën e sotme parlamentare.

Ambasada amerikane deklaron se si shef i Shtabit të Përgjithshëm i Forcave të Armatosura, Begaj ka kontribuar në bashkëpunimin midis shteteve, në fushën e mbrojtjes.

Gjithashtu, ambasada e SHBA-së thekson se pret që të punojë me Begajn për forcimin e partneritetit.

“Ambasada e Shteteve të Bashkuara të Amerikës uron Bajram Begaj për zgjedhjen e tij si Presidenti i ardhshëm i Shqipërisë. Si Shef i Shtabit të Përgjithshëm, ai kontribuoi në mënyrë domethënëse në bashkëpunimin midis Shteteve të Bashkuara dhe Shqipërisë në fushën e mbrojtjes. Ne presim me kënaqësi që të vazhdojmë të punojmë me të në detyrën e tij të re dhe të forcojmë më tej partneritetin midis vendeve tona”, thuhet në deklaratë.

Ndërkohë, kujtojmë se Parlamenti zgjodhi Begajn President me 78 vota pro, 4 kundër dhe një abstenim.

Betimin si Kryetar Shteti, Begaj do ta bëjë më 25 korrik, në datën kur përfundon mandati i Ilir Metës./ B.A. – CNA.al

Lajmet e fundit nga