LEXO PA REKLAMA!

SHKARKO APP

E fundit!

x

Duma ‘i rrëshket’ nga duart Alibeajt/ Shkon në Kuvend: Jam kundër bojkotit

4 Qershor 2022, 18:07, Politikë CNA
Duma ‘i rrëshket’ nga duart Alibeajt/ Shkon në Kuvend: Jam
Deputetja Grida Duma

Ndonëse Grupi Parlamentar i Enkelejd Alibeajt deklaroi se nuk do të shkojë në Kuvend për të votuar kandidaturën e Bajram Begajt si President, jo të gjithë deputetët janë bindur.

Ka qenë deputetja Grida Duma, pjesë e grupit të Alibeajt, ajo e cila ka shkuar sot në Kuvend. Në një prononcim për mediat, Duma tha se është kundër bojkoteve.

“Kam qenë kundër bojkoteve edhe në momentet më jetike, edhe në ato momente me gjithë dyshimet, nuk duhet të ketë më bojkot, institucionet kanë peshën e vet, e vetmja që na çon drejt një force politike është të heqim dorë nga bojkotet.

Qëndrimin e kam thënë. Profilin e njoh pak individin Bega. Gjithsesi nuk kam asgjë për të thënë për të. Nuk e paragjykoj. E di që ka shumë për të bërë që institucionet të jenë demokrastike. Presidenti duhet t’i lihej opozitës”, theksoi Duma./ B.A. – CNA.al

Lajmet e fundit nga