LEXO PA REKLAMA!

SHKARKO APP

“Po shkelmojnë Kushtetutën”/ Demokratët braktisin seancën plenare, s’votojnë për Presidentin

4 Qershor 2022, 18:23, Politikë CNA
“Po shkelmojnë Kushtetutën”/ Demokratët braktisin
Sali Berisha

Pas largimit nga salla e Kuvendit ku po votohet për kandidatin për Presidentin e ri, Berisha ka folur para mediave.

Berisha u shpreh se kalimi nga karrigia e gjeneralit te karrigia e presidentit ndodh vetëm në juntat ushtarake.

“Sot në parlamentin e Shqipërisë po kryhet një dhunim i shëmtuar i kushtetutës, një akt antikushtetues, votohet në shkelje flagrante të kushtetutës, për President Republike njeriu që kalon nga karrigia e shefit te Shtabit në karrigen e Kreut të Shtetit duke shkelur hapur nenin 167 të kushtetutës, sipas të cilit, ushtaraku aktiv nuk mund të emërohet, dhe as zgjidhet në organe apo pushtete të tjera veç detyrave të ushtrisë.

Kandidati që votohet sot, nis udhën e tij duke shkelmuar me dy këmbët kushtetutën pasi kandidon për president si shef i shtabit të përgjithshëm i ushtrisë shqiptare.

Pretendimi se dha dorëheqjen ka 0 vlerë sepse për ushtaraku jo dorëheqja, por miratimi dhe largimi i tij nga detyra, është rruga e çliron nga detyra”, tha Berisha./E.T-CNA.al

Lajmet e fundit nga