web counter
LEXO PA REKLAMA!

SHKARKO APP

App Store
Google Play

Këngëtari i njohur kërcënon Elvana Gjatën: Ku ta zë diku, ia tregoj qejfin, di të bëhem dhe i keq

9 Gusht 2022, 10:42, Lifestyle CNA
Këngëtari i njohur kërcënon Elvana Gjatën: Ku ta
Këngëtarja Elvana Gjata

Vokalisti i grupit “Ilirët”, Shemsi Krasniqi, vazhdon të jetë i përfolur në media pas ngjarjes në festivalin "Sunny Hill".

Krasniqi tentoi të ngjitej në skenë dhe të këndonte këngën “Mora fjalë”, por që nuk ka qenë i ftuar. Akuza të rënda hodhi kundrejt Dukagjin Lipës e Përparim Ramës, por jo vetëm kaq.

Në intervistën e dhënë për emisionin “Era Verë” në "T7", këngëtari nuk u kursye aspak edhe ndaj këngëtares Elvana Gjata, madje dhe e kërcënoi publikisht. “Unë di me u ba edhe i keq”, u shpreh ai duke e kritikuar këngëtaren pasi sipas tij ajo as nuk e di këngën.

“Mëkati im ka qenë se kam dashur me kënduar një këngë. As nuk kam kërkuar para, as kushte. Unë vetëm kam ecur, kam mbërritur deri te skena kryesore. As një polic nuk më ka prekur me gisht. Të gjithë kanë qenë me mua. Ai i ka dënuar disa aty sepse ata e kanë kuptuar se nuk ka asnjë të keqe.

Sepse do të këndoj për heroin kombëtar. Ai e ka ditur dhe ka çuar Elvana Gjatën me kënduar. Atë Elvana Gjatën, ku ta zë diku, ia tregoj unë qejfin. Di me u bërë dhe i keq unë. Po, mundet me qenë dhe kërcënim sepse ajo e ka ditur ngjarjen. Si guxon me dalë dhe me bërë shaka me heroin e kombit.

Ajo duhet të kishte thënë jo, nuk e këndoj këtë këngë sepse nuk e kam në repertor. Shikojeni sepse këndon vetëm pak, sepse nuk din tekstin. Nuk mundet ajo torollake me na shitur mend këtu. Unë kam shkuar me kënduar këngën e Adem Jasharit”, tha ai./ CNA.al





Lajmet e fundit nga