LEXO PA REKLAMA!

SHKARKO APP

“Juve ju rritet inati, mua më rritet …”/ “Gangsterja” e Bilishtit, ‘trondit’ sërish, pas deputetit, i sulet dhe mediave

25 Shtator 2022, 17:25, Lifestyle CNA
“Juve ju rritet inati, mua më rritet …”/
Deizi Arapi

Deizi Arapi, 27-vjeçarja nga Bilishti e cila sëbashku me motrën e saj morën vëmendjen e publikut pasi u shoqëruan nga policia për prishje të qetësisë publike dhe kundërshtim të uniformave blu, është rikthyer sërish në qendër të vëmendjes.

Në orët e para të mëngjesit të sotëm, makina e 27-vjeçares është gjetur e djegur pranë banesës së saj.

Pasi deklaroi fillimisht se zjarri makinës së saj mund t’i jetë vënë nga njerëz të deputetit të PD, Bledion Nallbati, për shkak të një konflikti të hershëm, kur ky i fundit ishte në detyrën e kryebashkiakut të Bilishtit, ajo ka reaguar sërish.

27-vjeçarja i është rikthyer Instagramit për të dërguar mesazhe të koduara në drejtim të personave që sipas saj e urrejnë.

“Jeta ime është në rrezik. Nuk fle dot e qetë, nuk parkoj dot makinën jashtë shtëpisë sepse do ta gjej në këtë gjendje. Personi që e ka bërë është treguar edhe neglizhent sepse ka harruar edhe bidonin e benzinës këtu. i kërkoj shtetit që të vërë dorën në zemër”, tha 27-vjeçarja në një prononcim për mediat të paradites së sotme.

Sa i përket postimeve në Instagram, Deizi shkruan mbi foton e makinës së saj të djegur këto rreshta: “Juve ju rritet inati, mua po më rritet keshi”.

Këtë Instastory, 27-vjeçarja e shoqëron me një emoji të qeshur dhe një tjetër mbishkrim me fjalë ofenduese në gjuhën angleze: “Fuck everyone. U deserve to go to hell motherfuckers”.

Por, duket se inatin mund ta ketë edhe me median, pasi në postimin e radhës po në anglisht, e reja problematike shkruan: “Jo më lajme të pavërteta, k*rva”./CNA.al

 

Lajmet e fundit nga