Vrasja e policit në komisariat/ Zbardhet dëshmia e kolegut, si ndodhi ngjarja

26 Maj 2022, 20:49, Kronika CNA

 

Vrasja e policit në komisariat/ Zbardhet dëshmia e kolegut, si ndodhi
Ludjan Zaimi dhe Çaush Saliasi

 

Ngjarja e rëndë që ndodhi pak ditë më parë në komisariatin numër 3 në Tiranë, ku 25-vjeçari vrau me armën e shërbimit kolegun e tij, tronditi jo pak opinionin publik.

25-vjeçari, i cili është lënë në arrest me burg ka dëshmuar se viktima prej kohësh e ka tallur, ndaj dhe ai bëri atë veprim.

Por të tjera detaje kanë dalë në dritë nga vrasja e policit.

Një efektiv që ishte prezent në vendngjarje, ka dëshmuar para AMP-së dhe ka treguar se si ndodhi ngjarja.

“Kur ndodhi ngjarja unë kam qenë në pjesën e oborrit të komisariatit. Në ato momente Caush Saliasi ishte te shkallët dhe ishte duke dredhur një cigare. I fola Caushit dhe u përshëndetëm me njëri-tjetrin. Në këtë çast Ludjan Zaimi doli nga klasa dhe erdhi pas meje dhe unë e pyes si je dhe pse je i mërzitur? Më tha: Nuk kam asgjë, por hapu dhe shtyhu pak pas. Unë i them pse, por ai ngul këmbë dhe më thotë sërish, shtyhu pas. Në atë moment ai nxjerr armën e shërbimit dhe i them çfarë po bën kështu, por ai nuk u kthye dhe u drejtua me armën në dorë drejt Caush Saliasit dhe i thotë këtij të fundit “Tani do të sqarohemi bashkë”. Menjëherë Caush Saliasi u ngrit në këmbë dhe u fut te klasa që t’i shmangej, por Ludian Zaimi e qëlloi me armën e shërbimit, edhe pse Caushi ra në tokë, Ludiani e qëlloi sërish dhe herë të tjera”, përfundon dëshminë polici me iniciale K.Q, raporton "BW"./CNA.al

Lajmet e fundit nga