Plagosja e të miturit nga 17-vjeçari/ Policia del me njoftimin zyrtar, si ndodhi ngjarja

26 Maj 2022, 17:54, Kronika CNA
Plagosja e të miturit nga 17-vjeçari/ Policia del me njoftimin
Policia

Policia ka dalë me një njoftim zyrtar, lidhur me plagosjen e të miturit në Pukë pasditen e sotme.

Mësohet se 11-vjeçari, i cili po dërgohet në Spitalin e Traumës Tiranë për një trajtim më të specializuar, është plagosur nga 17-vjeçari me inicialet R.C, dhe po punohet për kapjen e tij.

Pukë/Informacion paraprak

Rreth orës 16:20, në fshatin “Dom Gjegjan”, Pukë, në rrethana ende të paqarta  është plagosur me armë zjarri, një i mitur 11 vjeç, i cili po dërgohet në Spitalin e Traumës Tiranë.

Falë veprimeve të shpejta hetimore është bërë identifikimi i autorit të dyshuar  të ngjarjes, shtetasi R. C. 17 vjeç dhe po punohet për kapjen e tij.

Grupi hetimor nën drejtimin e Prokurorisë  po punon për sqarimin e rrethanave të kësaj ngjarjeje.

Lajmet e fundit nga