web counter
LEXO PA REKLAMA!

SHKARKO APP

App Store
Google Play

"Plumbi i Artë" / Si u “dorëzuan” prokurorët para Nuredin Dumanit

25 Maj 2022, 12:53, Kronika CNA

Nga Anduena Llabani

Zbulohen detaje të reja nga operacioni i SPAK-ut, të cilat lidhen me nisjen e negociatave me Nuredin Dumanin, pranimin e kushteve të vendosura prej tij menjëherë pas arrestimit më 29 mars pasi i shpëtoi një atentati në afërsi të fshatit Papër të Elbasanit.

Prangat iu vunë në një apratament në kat të katërt në Fier, ku ai me ndihmën e shokëve dhe të dy mjekëve të detyruar, po mundohej të largonte nga trupi një plumb të marrë gjatë atentatit.

Edhe pse u kap nga forcat RENEA dhe u dërgua në spitalin e burgut, mjekët nuk arritën dot të heqin nga trupi plumbat: një në shpinë dhe një në shtyllë kurrizore. Kjo ishte vetëm njëra anë.

Ndërkohë, i ndodhur përballë kësaj situate dhe pranimit të ofertës se hetuesve të SPAK-ut për t?u futur në listën e të penduarve, Dumani sipas burimeve të “MCN”, vendosi një kusht.

Mësohet se për t?u rrëfyer, u kërkoi prokurorëve të SPAK-ut t?i plotësonin një dëshirë.

Operacioni për të arrestuar të gjithë ata persona që ai do të përfshinte në rrëfim të merrte emrin  ?Plumbi i Artë?.

Përballë kërkesës së tij me kusht dhe pamundësisë për t?i arrestuar të vetëm, pra pa ndihmën e Dumanit, anëtarët e një rrjeti të tërë kriminal, prokurorët dorëzohen.

Marrin dëshminë e plotë të Dumanit dhe në fund emrin e operacionit e kodojnë ?Plumbi i Artë?. Dumani është shprehur se mjekët nuk i kanë dhënë garanci për t?i hequr plumbin nga trupi.

Pas rrëfimit të Dumanit, policia dhe prokuroria lëshuan 32 urdhër-arreste, por njerëzit më të rëndësishëm të këtyre krimeve nuk u gjenden në  banesa, madje as në territorin e vendit. 9 nga personat e përfshirë në dëshminë e Dumanit ndodheshin në burg, 9 u arrestuan gjatë operacionit dhe 14 janë ende në kërkim.





Lajmet e fundit nga