Shpërndanin drogë/ Arrestohen dy të rinj në Berat

26 Maj 2022, 10:50, Kronika CNA
Shpërndanin drogë/ Arrestohen dy të rinj në Berat
Drejtoria Vendore e Policisë Berat

Specialistët e Seksionit për Hetimin e Narkotikëve në DVP Berat, kanë arrestuar në flagrancë shtetasit Xh.B, 25 vjeç dhe A.M, 25 vjeç, të dy banues në lagjen Uznovë, Berat.

Këta shtetas në periudha të ndryshme kohore kanë ushtruar aktivitetin kriminal të shpërndarjes së lëndëve narkotike, në qytetin e Beratit.

“Ushtronin aktivitetin kriminal të shpërndarjes së lëndëve narkotike, vihen në pranga 2 shtetas.

Sekuestrohen një sasi lënde e dyshuar narkotike, cannabis sativa, një automjet, një motomjet dhe një sasi parash që dyshohet se është përfituar nga veprimtaria kriminale. 

Specialistët e Seksionit për Hetimin e Narkotikëve në DVP Berat, në vijim të punës për parandalimin dhe goditjen e veprimtarisë kriminale në fushën e shpërndarjes së lëndëve narkotike, bazuar dhe në informacionet e marra në rrugë operative se dy shtetas ushtronin këtë aktivitet kriminal në qytetin e Beratit, organizuan punën dhe arrestuan në flagrancë shtetasit Xh.B., 25 vjeç dhe A.M., 25 vjeç, të dy banues në lagjen Uznovë, Berat.

Nga hetimet e kryera ka rezultuar se këta shtetas, në periudha të ndryshme kohore, kanë ushtruar aktivitetin kriminal të shpërndarjes së lëndëve narkotike, në qytetin e Beratit.

Në cilësinë e provës materiale janë sekuestruar një sasi lënde e dyshuar narkotike cannabis sativa, një automjet, një motomjet dhe një sasi parash që dyshohet se është përfituar nga veprimtaria kriminale e shitjes së lëndëve narkotike. 

Vijon puna hetimore për dokumentimin e plotë të veprimtarisë kriminale të këtyre shtetasve, identifikimin dhe kapjen e bashkëpunëtorëve.    

Materialet i kaluan Prokurorisë pranë Gjykatës së Shkallës së Parë Berat, për veprime të mëtejshme procedurale, për veprën penale “Prodhimi dhe shitja e narkotikëve”, njofton policia.

Lajmet e fundit nga