LEXO PA REKLAMA!

SHKARKO APP

Kërcënoi me armë komshiun/ Parandalohet krimi në Allias

26 Maj 2022, 09:09, Kronika CNA
Kërcënoi me armë komshiun/ Parandalohet krimi në Allias
Foto ilustruese

Finalizohet operacioni policor i koduar "Stroke", në sajë të të cilit është parandaluar përshkallëzimi i mëtejshëm i një konflikti me armë zjarri.

Blutë bëjnë me dije pas marrjes së njoftimit se një person kishte kërcënuar me armë zjarri fqinjin e tij, në Allias, kanë organizuar punën dhe kanë arrestuar në flagrancë shtetasin me iniciale B.M., 43 vjeç, banues në Allias.

43-vjeçari akuzohet për veprat penale "Kanosja", "Prodhimi dhe mbajtja pa leje e armëve luftarake dhe e municionit" dhe "Prishja e rendit dhe qetësisë publike".

Gjatë një konflikti për motive të dobëta, ai ka kanosur me armë zjarri fqinjin e tij, shtetasin F. K., 42 vjeç, duke qëlluar me armë zjarri në oborrin e banesës së 42-vjeçarit.  

Në cilësinë e provës materiale u sekuestruan një armë zjarri kallashnikov dhe një sasi municioni luftarak.

Sakaq, materialet proceduriale i kaluan Prokurorisë pranë Gjykatës së Shkallës së Parë Tiranë, për veprime të mëtejshme./ CNA.al

Kërcënoi me armë komshiun/ Parandalohet krimi në Allias
Arma e sekuestruar nga policia

Lajmet e fundit nga