Pastronin paratë e drogës në apartamente/ “Shpartallohet” banda kriminale

Policia italiane ka arrestuar 7 shqiptarë, të cilët akuzohen për trafik droge

26 Maj 2022, 19:27, Kronika CNA
Pastronin paratë e drogës në apartamente/
Policia italiane

Policia italiane ka arrestuar ditën e sotme 7 shqiptarë dhe 1 italian, pasi akuzohen se në bashkëpunim me njëri-tjetrin kanë trafikuar drogë dhe kanë bërë pastrim parash.

Vendimin për urdhër-arrestin e ka marrë Gjykata e Parmës, e cila caktoi masën e paraburgimit për tre persona, krahas ndalimit të qëndrimit në provincën e Parmës, ndaj po aq shqiptarëve dhe detyrimin e qëndrimit në provincën e Arezzo-s dhe Grosseto-s për një shtetas italian dhe një tjetër shqiptar.

Gjyqtari i çështjes, në bazë të hetimeve të kryera, ka urdhëruar edhe sekuestrimin e 400 mijë eurove para kesh ose mjete ekuivalente, të gjetura në disponim të të dyshuarve, duke përfshirë edhe një palë të tretë.

Sipas hipotezës së aktakuzës, të ardhurat e mëdha që rrjedhin nga trafiku i drogës do të ishin pastruar kryesisht në Shqipëri me investime në sektorin e pasurive të paluajtshme./CNA.al

Lajmet e fundit nga