web counter
LEXO PA REKLAMA!

SHKARKO APP

App Store
Google Play

E fundit!

x

Starmer dha dorëheqjen/ Kur do të ketë Britania një kryeministër të ri?

22 Qershor 2026, 11:41, Kosova & Bota CNA

Starmer dha dorëheqjen/ Kur do të ketë Britania një

Kryeministri britanik, Keir Starmer, ka njoftuar se procesi për zgjedhjen e liderit të ri të Partisë Laburiste do të nisë më 9 korrik.

Starmer deklaroi se i ka kërkuar Komitetit Ekzekutiv Kombëtar të partisë që nominimet për kreun e ri të hapen në atë datë dhe procesi të përfundojë para pushimeve verore të Parlamentit, të cilat nisin më 16 korrik, shkruan "BBC". 

Nëse zhvillohet një garë për drejtimin e partisë, lideri i ri do të zgjidhet përpara rikthimit të Parlamentit nga pushimet verore më 1 shtator. Kjo do të thotë se Britania mund të ketë një kryeministër të ri në fillim të muajit shtator.

Megjithatë, ende nuk është e qartë nëse do të ketë një garë zgjedhore. Në rast se Andy Burnham kandidon pa rivalë kur të hapen nominimet më 9 korrik, ai mund të shpallet lider i Partisë Laburiste menjëherë pas mbylljes së procesit të nominimeve.

Deri në përfundimin e procedurave dhe zgjedhjen e pasardhësit të tij, Starmer do të vazhdojë të ushtrojë detyrën e kryeministrit në cilësinë e kujdestarit të qeverisë. /CNA





Lajmet e fundit nga