web counter
LEXO PA REKLAMA!

SHKARKO APP

App Store
Google Play

E fundit!

x

Aksident tragjik në Gjermani/ Humbin jetën dy motra nga Kosova

22 Qershor 2026, 12:03, Kosova & Bota CNA

Aksident tragjik në Gjermani/ Humbin jetën dy motra nga Kosova

Dy motra me origjinë nga fshati Topanicë i Kamenicës në Kosovë kanë humbur jetën në një aksident të rëndë rrugor që ndodhi të shtunën në autostradën A5, pranë Appenweier-it në Gjermani.

Gazeta zvicerane “Blick”, duke iu referuar autoriteteve gjermane, ka raportuar se aksidenti tragjik ndodhi pas një përplasjeje fillestare mes dy automjeteve në korsinë veriore të autostradës A5.

Si pasojë, automjetet që po vinin pas u detyruan të frenonin, gjë që çoi në një aksident zinxhir pranë nyjës së autostradës Appenweier. Në aksident u përfshinë pesë automjete.

Në njërin prej tyre, një automjet tip "Smart" i regjistruar në Zvicër, ndodheshin dy vajzat, të cilat nuk mundën të mbijetojnë pavarësisht ndihmës mjekësore të dhënë. Ato humbën jetën në vendin e ngjarjes si pasojë e plagëve të rënda.

Policia në Offenburg konfirmoi për “Blick” se viktimat ishin dy shtetase zvicerane. Ndërkohë, pasagjerët e automjeteve të tjera të përfshira në aksident nuk pësuan lëndime serioze.

Pas ngjarjes, korsia veriore e autostradës A5 u mbyll plotësisht për disa orë, ndërsa ekipet e emergjencës, ekspertët e aksidenteve dhe autoritetet policore kryen dokumentimin e vendngjarjes dhe largimin e automjeteve të dëmtuara.

Policia e Trafikut në Baden-Baden ka nisur hetimet për të zbardhur rrethanat e plota të aksidentit tragjik. /CNA





Lajmet e fundit nga