web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 45-vjeçarit në Shijak/ Kapen pas disa muajsh në arrati dy autorët e dyshuar

22 Qershor 2026, 11:12, Kronika CNA

Vrasja e 45-vjeçarit në Shijak/ Kapen pas disa muajsh në arrati

Janë arrestuar dy autorët e dyshuar të një vrasjeje të ndodhur në janar të këtij viti në Shijak. Sipas informacioneve policore, në pranga janë vënë dy kushërinjtë I. F., 38 vjeç dhe D. F., 36 vjeç.

Gjatë një konflikti për motive të dobëta ata qëlluan me armë zjarri shtetasin D. Ç., 45 vjeç, i cili ndërroi jetë pas pak ditësh në spital.

Gjykata e Durrësit kishte caktuar ndaj dy autorëve masën e sigurisë “Arrest në burg” për veprat penale “Vrasja me dashje”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”.

Njoftimi i policisë:

DVP Durrës

Ekzekutohet masa e sigurisë “Arrest në burg”, për 2 autorët e dyshuar të vrasjes së një 45-vjeçari, në muajin janar 2026, në Shijak.  

Specialistët e Seksionit për Hetimin e Krimeve të Rënda të Drejtorisë Vendore të Policisë Durrës ekzekutuan masën e sigurisë “Arrest në burg”, caktuar nga Gjykata e Shkallës së Parë e Juridiksionit të Përgjithshëm Durrës, për veprat penale “Vrasja me dashje”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”, për shtetasit:

-I. F., 38 vjeç dhe D. F., 36 vjeç (kushërinj), të dy banues në Shijak.  

Këta shtetas ishin shpallur në kërkim pasi nga hetimet dyshohet se më datë 27.01.2026, në qytetin e Shijakut, janë konfliktuar për motive të dobëta me shtetasin D. Ç., 45 vjeç dhe e kanë qëlluar me armë zjarri. Për shkak të dëmtimeve, 45-vjeçari ka humbur jetën pas disa ditësh, në spital. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme. /CNA





Lajmet e fundit nga