web counter
LEXO PA REKLAMA!

SHKARKO APP

App Store
Google Play

Starmer pritet të njoftojë sot dorëheqjen/ Kush mund të jetë pasardhësi i tij si kryeministër i Britanisë

22 Qershor 2026, 07:39, Kosova & Bota CNA

Starmer pritet të njoftojë sot dorëheqjen/ Kush mund të

Kryeministri britanik Keir Starmer po shqyrton mundësinë e dorëheqjes së tij, ndërkohë që një njoftim zyrtar mund të bëhet që sot, megjithëse ende nuk është marrë një vendim përfundimtar.

Gjatë ditëve të fundit, Starmer ka analizuar situatën politike dhe presionin në rritje brenda Partisë Laburiste. Kjo vjen pas rikthimit në Parlament të Andy Burnham, i cili tashmë konsiderohet kandidati kryesor për të marrë drejtimin e partisë dhe të qeverisë.

Raportimet e medias britanike sugjerojnë se Starmer mund të paraqesë një deklaratë para rezidencës së kryeministrit në Downing Street. Megjithatë, zyra e tij ka kujtuar se vetëm pak ditë më parë ai kishte deklaruar publikisht se nuk kishte ndërmend të largohej.

Nëse Starmer jep dorëheqjen, Britania do të ketë kryeministrin e saj të shtatë brenda një dekade. Kjo do të përbënte një zhvillim të papritur, pasi ai fitoi me shumicë të madhe zgjedhjet parlamentare të vitit 2024 dhe premtoi stabilitet pas viteve të trazirave politike pas Brexit-it.

Presioni ndaj Starmerit është rritur pas humbjeve të Labour Party në zgjedhjet lokale dhe pas suksesit të Burnham në zgjedhjet e pjesshme në zonën e Makerfield, ku ai mposhti kandidatin e Reform UK të udhëhequr nga Nigel Farage.

Brenda Partisë Laburiste ka debate se si duhet të realizohet tranzicioni i pushtetit. Disa deputetë kërkojnë që Burnham të marrë drejtimin pa garë të brendshme, ndërsa të tjerë insistojnë në zhvillimin e zgjedhjeve për lidershipin e partisë.

Ndërkohë, ekzistojnë edhe mosmarrëveshje për përbërjen e mundshme të një qeverie të drejtuar nga Burnham, veçanërisht lidhur me postet kryesore ekonomike dhe politikat e emigracionit.

Nëse largimi i Starmer konfirmohet, Britania pritet të hyjë në një periudhë të re pasigurie politike, ndërsa Partia Laburiste do të përballet me sfidën e zgjedhjes së një lideri të ri përpara zgjedhjeve të ardhshme kombëtare. /CNA





Lajmet e fundit nga