web counter
LEXO PA REKLAMA!

SHKARKO APP

App Store
Google Play

Irani njofton mbylljen e Ngushticës së Hormuzit/ Akuzon SHBA-në dhe Izraelin për shkelje të armëpushimit

20 Qershor 2026, 19:50, Kosova & Bota CNA

Irani njofton mbylljen e Ngushticës së Hormuzit/ Akuzon SHBA-në

Komanda qendrore ushtarake iraniane, Khatam al-Anbiya, ka njoftuar sot mbylljen e ngushticës strategjike të Hormuzit, duke e cilësuar vendimin si përgjigje ndaj sulmeve të fundit izraelite në Libanin jugor, të cilat sipas Teheranit shkelin marrëveshjen e arritur këtë javë mes Iranit dhe SHBA-së.

Në një deklaratë të transmetuar nga mediat shtetërore iraniane, autoritetet thanë se mbyllja e Ngushticës përbën hapin e parë kundër asaj që e konsiderojnë shkelje të angazhimeve nga SHBA-ja dhe Izraeli. Irani paralajmëroi se masa të tjera mund të ndërmerren nëse sulmet vazhdojnë.

Rihapja e Ngushticës së Hormuzit ishte një nga pikat kryesore të marrëveshjes së fundit mes Washingtonit dhe Teheranit. Sipas Iranit, marrëveshja parashikonte ndërprerjen e operacioneve ushtarake në Libanin jugor, ku vepron grupi i mbështetur nga Irani, Hezbollah.

Megjithëse Izraeli dhe Hezbollahu kishin shpallur armëpushim të premten, gjatë natës ushtria izraelite kreu sulme të reja në Libanin jugor. Autoritetet libaneze raportuan viktima të shumta, ndërsa Izraeli tha se veproi në përgjigje të sulmeve me raketa të lëshuara nga Hezbollah ndaj forcave të tij në zonë.

Megjithatë, Shtetet e Bashkuara të Amerikës kundërshtojnë pretendimin iranian se Ngushtica është mbyllur plotësisht. Komanda Qendrore Amerikane (CENTCOM) deklaroi se trafiku detar vazhdon dhe se forcat amerikane po monitorojnë situatën për të garantuar lirinë e lundrimit në këtë rrugë jetike për tregtinë globale të energjisë.

Ngushtica e Hormuzit konsiderohet një nga rrugët më të rëndësishme detare në botë për transportin e naftës dhe gazit, ndaj çdo ndërprerje e qarkullimit aty mund të ketë pasoja të mëdha ekonomike dhe gjeopolitike. /CNA





Lajmet e fundit nga