web counter
LEXO PA REKLAMA!

SHKARKO APP

App Store
Google Play

Politikani serb bën deklaratë “bombë”/ Rusia po planifikon vrasjen e Vuçiçit dhe një luftë në Ballkan

26 Qershor 2022, 22:49, Kosova & Bota CNA
Politikani serb bën deklaratë “bombë”/ Rusia po
Lideri i Lidhjes Socialdemokrate të Vojvodinës, Nenad Canak

Lideri i Lidhjes Socialdemokrate të Vojvodinës, Nenad Canak, ka bërë deklarata të forta lidhur me presidentin serb Aleksandër Vuçiç.

Gjatë një interviste në "FACE TV" të Sarajevës (LSV), politikani serb tha Rusia dëshiron të vrasë Vuçiçin përmes rrjetit të saj të agjencive në Serbi, pasi pretendon se e cilësojnë si “partnerin e tyre jo të besueshëm”.

“Rusia synon vrasjen e presidentit të Serbisë,  Aleksandër Vuçiç”, është shprehur ai, ndërsa ka paralajmëruar “nisjen e një konflikti të ri në Ballkan”.

Mediat serbe shkruajnë se gjithashtu Canak hodhi akuza të forta edhe ndaj anëtarit serb të Presidencës së Bosnje dhe Hercegovinës, Milorad Dodik.

Lideri i Lidhjes Socialdemokrate të Vojvodinës deklaroi se Dodik ishte një "shpirt i shitur" dhe një njeri immoral. 

Sipas tij, Milorad Dodik, me urdhër të presidentit rus Vladimir Putin, u kthye kundër Aleksandër Vuçiçit, për t'i bërë presion Serbisë që të mos vendosë sanksione ndaj Rusisë, për shkak të agresionit ndaj Ukrainës.

Kujtojmë se Perëndimi i ka kërkuar Serbisë që t’i vendosë sanksione Rusisë, por kjo e fundit nuk i është përgjigjur thirrjes./ B.A. – CNA.al





Lajmet e fundit nga