LEXO PA REKLAMA!

SHKARKO APP

Talebanët, thirrje ndërkombëtarëve për heqjen e sanksioneve për shkak të tërmetit

25 Qershor 2022, 21:21, Kosova & Bota CNA
Talebanët, thirrje ndërkombëtarëve për heqjen e
Tërmeti në Afganistan

Administrata talebane në Afganistan u bëri thirrje qeverive ndërkombëtare që të heqin sanksionet dhe ngrirjen e aseteve të Bankës Qendrore, pas tërmetit që vrau më shumë se 1000 njerëz dhe la mijëra të pastrehë.

Zëdhënësi i Ministrisë së Punëve të Jashtme, Abdul Qahar Balkhi, tha në një intervistë për "Reuters", se bota duhet t’u japë afganëve të drejtën e tyre themelore, e cila është e drejta e jetës, përmes heqjes së sanksioneve.

Tërmeti me magnitudë 6.1 që goditi lindjen e vendit mëngjesin e së mërkurës, shkatërroi 10,000 shtëpi dhe plagosi rreth 2,000 njerëz, duke vënë në pah sistemin e brishtë shëndetësor të vendit dhe duke paraqitur një provë të madhe për talebanët në pushtet.

Talebanët morën kontrollin në Afganistan në gusht të vitit 2021, por ata nuk njihen nga ndërkombëtarët.

Qeveritë perëndimore janë veçanërisht të shqetësuara për të drejtat e grave dhe vajzave për të punuar dhe studiuar nën sundimin taleban./Euronews

Lajmet e fundit nga