Biden: G7 do të ndalojë importet e arit rus

26 Qershor 2022, 14:00, Kosova & Bota CNA

 

Biden: G7 do të ndalojë importet e arit rus
Presidenti amerikan, Joe Biden

 

Presidenti amerikan, Joe Biden, tha të dielën se Shtetet e Bashkuara dhe ekonomitë e tjera të G7-ës do të shpallin një ndalim të importeve të arit nga Rusia, një hap që udhëheqësit shpresojnë se do ta izolojë më tej ekonomikisht Rusinë për shkak të agresionit të saj në Ukrainë.

Një njoftim zyrtar pritet të martën në kuadër të takimit vjetor të grupit të shtatë vendeve më të industrializuara.

Biden: G7 do të ndalojë importet e arit rus

Presidenti Biden dhe aleatët e tij të G7 fillojnë të dielën takimin e nivelit të lartë për të diskutuar strategjitë për të siguruar furnizimet me energji dhe për të trajtuar inflacionin, në përpjekje për të parandaluar që pasojat e agresionit rus në Ukrainë të dëmtojnë koalicionin global që punon për të ndëshkuar Moskën.

Disa orë përpara hapjes së takimit, Rusia kreu sulmet me raketa kundër kryeqytetit ukrainas, sulmet e para të tilla nga Rusia në tri javë.

Zyrtarë të lartë të administratës së presidentit Biden thanë se ari është eksporti i dytë më i madh i Moskës pas energjisë dhe se ndalimi i importeve do ta bënte më të vështirë për Rusinë pjesëmarrjen në tregjet botërore./VOA

Lajmet e fundit nga