LEXO PA REKLAMA!

SHKARKO APP

Sholc shprehet pas sulmit kundër klubit LGBTQ në Oslo | DW | 25.06.2022

25 Qershor 2022, 22:46, Kosova & Bota CNA
Sholc shprehet pas sulmit kundër klubit LGBTQ në Oslo
Foto nga vendngjarja

Sulmi kundër një klubi të komunitetit LGBTQ në Oslo natën e së dielës, ku humbën jetën dy persona dhe të paktën 21 të tjerë u plagosën, 10 prej tyre rëndë, ka tronditur opinionin jo vetëm në Norvegji. Shoqata e komunitetit të homoseksualëve dhe lezbikeve, LSVD në Gjermani i ka quajtur plumbat e një islamisti në një klub të preferuar në Oslo si atentat kundër komunitetit queer në një shoqëri liberale. "Ky sulm është një krim i urrejtjes, në mes të një hapësire të sigurtë për njerëzit queer", ka deklaruar kreu i shoqatës, Henny Engels, në një njoftim për shtyp. Mendimet tona janë te viktimat, të plagosurit dhe të afërmit e tyre.

Sholc shprehet pas sulmit kundër klubit LGBTQ në Oslo

Edhe kancelari gjerman, Olaf Sholc është shprehur i tronditur. Sulmi kundër komunitetit queer e trondit atë thellë, shkroi Sholc në "Twitter". Mendimet e tij janë me të afërmit e familjarët. Sholc u uron të plagosurve shërim të shpejtë. "Populli norvegjez mund të jetë i sigurtë për solidaritetin tonë. Lufta kundër terrorit na bashkon".

Sholc shprehet pas sulmit kundër klubit LGBTQ në Oslo

DW thotë se shërbimi informativ norvegjez, PST, e kategorizoi sulmin kundër komunitetit LGBT në Oslo si sulm terrorist islamist. Atentatori që policia e arrestoi dyshohet se është një norvegjez me rrënjë iraniane. Klubi "London" në Oslo është një pikëtakimi e preferuar për komunitetin queer./CNA.al

Lajmet e fundit nga