web counter
LEXO PA REKLAMA!

SHKARKO APP

App Store
Google Play

Shqipëria importoi energji me vlerë 21 milionë euro për muajin qershor

25 Qershor 2022, 21:27, Ekonomi CNA
Shqipëria importoi energji me vlerë 21 milionë euro për
Foto ilustruese

Fatura e energjisë elektrike për muajin qershor i ka kushtuar 21 milionë euro Koorporatës Elektroenergjitike Shqiptare.

Çmimet e energjisë gjatë javës së fundit kanë kërcyer si në tregun vendas dhe në bursat ndërkombëtare, duke u rritur me 50% krahasuar me javët e para të muajit.

KESH ka blerë në një tender të fundit për 14900 megavat orë energji elektrike me një çmim mesatar prej 335 euro për megavat orë.

Për sasi të ngjashme në javët e tjera, koorporata ka paguar një çmim mesatar prej 225 eurosh për megavat orë.

Çmimet e energjisë në tregjet ndërkombëtare janë rritur për shkak të kërkesës së lartë të energjisë dhe uljes të prodhimit nga hidrocentralet, ndërsa pasiguritë janë në rritje për muajt korrik dhe gusht, thote "euronews.al".

Aktualisht Shqipëria ka një rezervë hidrike prej 1100 gigavat orë, e mjaftueshme për të furnizuar vendin me energji për 2 muaj.

Energjia elektrike që po prodhohet për konsumin është përqendruar te hidrocentrali i Komanit dhe Vaut të Dejës, ndërsa Fierza po përdoret për të ruajtur sasitë ujore të kaskadës.

Niveli i ujit në Fierzë ka arritur në 289 metra, nivele të ngashme me mesataren shumëvjeçare të kësaj periudhe.

KESH ka përdorur këtë muaj instrumentin për optimizimin e energjisë elektrike, duke blerë lirë në një rast energjinë dhe shitur shtrenjtë. Nga ky operacion ka fituar 185 mijë euro./CNA.al





Lajmet e fundit nga