E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Onkologjiku kalon nga Bashkia e Tiranës

29 Qershor 2024, 14:51, Editorial CNA

Bashkia e Tiranës dhe Erion Veliaj, foto ilustruese

Skandali i zbuluar nga KLSh-ja dhe i hetuar nga Prokuroria në lidhje me sjelljen kriminale të mjekëve të spitalit të Onkologjikut duke i rrjepur njerëzit edhe në grahmat e tyre të fundit të jetës, nuk është thjeshtë dhe vetëm një çështje individësh por për të gjithë, përfshirë dhe kastën politike dhe ata që drejtojnë vendin. (LEXO KETU)

Është çështje e një sistemi dhe një mentaliteti të kalbur prej 30 vitesh tranzicion kur korrupsioni dhe paraja janë gjithçka, por këtu nuk mund të përfshihen të gjithë mjekët pasi janë me dhjetëra apo me qindra të tjerë që u shërbejnë qytetarëve pa u sjellë si tregtarë vdekjesh.

Por Onokologjiku ka një specifikë. Ai kalon nga Bashkia e Tiranës.

Spitali Onkologjik, foto ilustruese

Ky titull nuk është thjesht një frazë politike por ka fakte dhe argumente përtej.

A ka Onkologjiku më shumë të sëmurë me kancer për shkak të pluhurit dhe ndotjes që ka Tirana?

Sipas ekspertëve pa asnjë diskutim. Tirana është një nga qytetet më të ndotura me ajrin më të pisët.

A ka më pak pemë?

Pa asnjë diskutim. Erion Veliaj premtoi se do të bënte një pyll orbital me një milion pemë, se ku janë një Zot e di.

Veliaj mashtroi për pyllin orbital
11 Prill, 20:26

Shkojmë më tej.

A duhet të kishin më shumë rrugë të shtruara, më pak pluhur, më shumë ambiente jotoksike?

Nuk i kemi paratë u vodhën, u vodhën me 5D, u vodhën me inceneratorin.

A nuk duhet të kishim ujëra më të pastra në kryeqytet?A nuk duhet të derdheshin më pak ujëra toksike? A nuk duhet të kishte ujë 24 orë?

Nuk ndodh. Nuk i kemi. Dhe, shërbimet duhet t’i japë Bashkia e Tiranës.

Prandaj Onkologjiku kalon nga Bashkia e Tiranës.

E siç vrisnin ata mjekët duke i lënë njerëzit dhe me temperaturë, duke mos e vrarë mendjen hiç për ta, kështu bën dhe Erion Veliaj. Nuk e vret mendjen për qytetarët e Tiranës por abuzon me dhjetëra miliona euro, me dosjen 5D, me drejtorët e tij hajdutë, me inceneratorë që nuk ekzistojnë e na shet propagandë se ka bërë punë të mëdha. Në fakt është zgjedhur për të bërë punë.

Paguan 35 milionë euro në vit për pastrim dhe incenerim, Veliaj mbledh plehrat me duar
22 Qershor, 15:23

Qarkullon qindra miliona euro, ku ka korrupsion, ka skandale, jep kulla, jep beton, ka nxehur Tiranën sepse nuk ka më shumë gjelbërim, nuk ka më shumë ajër të pastër, sepse nuk ka më shumë ujë të pastër.

Prandaj ka dhe më shumë sëmundje, ka më shumë Onkologjik, dhe Onkologjiku kalon nga Bashkia e Tiranës, te shërbimi që duhet t’u bëjë qytetarëve te pastrimi që duhet t’i bëjë qytetit, ku ende fshihet me fshesa ferrash trotuari, ku ndotja është në shifra të frikshme, ku Bashkia paguan për të larë rrugët të cilat nuk lahen kurrë.

Erion Veliaj, si doktorët e Onkologjikut
27 Qershor, 15:39

Prandaj dhe Onkologjiku kalon nga Bashkia e Tiranës.

Pa folur për makinat që shkarkojnë gazra nafte të standarteve me të ulta botërore që qelbin dynjanë e kryesisht mjetet e transportit publik, a thua se qarkullojnë me naftë të sapo nxjerrë nga pusi.

Ndaj është fakt që Onkologjiku kalon nga Bashkia e Tiranës dhe Bashkia e Tiranës ka një kryetar që quhet Erion Veliaj.

Dhe, dhjetëra doktorë të tjerë Onkologjiku si ata të dosjes 5D dhe inceneratorëve që çdo ditë me korrupsionin, abuzimet e tyre me detyrën dhe duke mos u shërbyer qytetarëve, shtojnë pacientët e Onkologjikut tek mjekët e korruptuar./ CNA