I dashuri i falimentuar i Vjollca Hoxhës/ Milionat e borxheve të Shpresim Bajraktarit në Tatime

10 Korrik 2022, 10:23, Denoncim CNA
I dashuri i falimentuar i Vjollca Hoxhës/ Milionat e borxheve të
Shpresim Bajraktari,

Shpresim Bajraktari, njeriu i cili lakohet si i dashuri i pronares së "Top Media", Vjollca Hoxha, është drejt falimentimit.

Bajraktari rezulton i mbytur në borxhe ndaj Tatim-Taksave, por edhe ndaj Bashkisë së Tiranës.

Disa herë Vjollca Hoxha ka tentuar ta marrë në mbrojtje, duke sulmuar nëpërmjet "Top Channel", drejtues të tatimeve dhe Ministrisë së Financave, por fakti është se Bajraktari sipas të dhënave të siguruara nga CNA.al, rezulton si një nga borxhlinjtë më të mëdhenj ndaj shtetit.

Kompanitë e tij janë vënë nën sekuestro, pavarësisht se Bajraktari është munduar t’u shpëtojë borxheve, duke ndërruar adresat e kompanive.

Kompanitë e Bajraktarit prekin fundin

Shpresim Bajraktari, sipas të dhënave të QKB-së, ka një zinxhir kompanish, herë si pronar i vetëm dhe herë me ortakë.

Por të gjitha këto kompani janë debitore në Tatime dhe në bashki.

Kompanitë "Dillon Group" me numër identifikimi L52311004B dhe "Speed Taxi Five Stars” me numër identifikimi  L12017019T,  rezultojnë debitore në një shumë marramendëse ndaj Tatim-Taksave.

I dashuri i falimentuar i Vjollca Hoxhës/ Milionat e borxheve të

Borxhi i akumuluar i bizneseve të Shpresim Bajraktarit në organet tatimore shkon në shifrën rreth 1 miliard lekë.

Kompania "Kliko Market”, ish-kompania “Tirana SMS parking”, me numër L41406005H është një tjetër kompani e Shpresim Bajraktarit që ka detyrime miliona lekë ndaj organeve tatimore.

Me 27.01.2021 Drejtoria e Tatimeve i ka dërguar Qendrës Kombëtare të Biznesit kërkesë për vendosjen e masës së sigurimit të detyrimit tatimor.

Sipas tatimeve, kompania "Kliko Market” nuk ka paguar në afatin e kërkuar ligjor detyrimet në vlerën  2 391 620 lekë.

I dashuri i falimentuar i Vjollca Hoxhës/ Milionat e borxheve të

Nuk mbarojnë me kaq borxhet nga kompania e Shpresim Bajraktarit.

Në vitin 2022, pra në periudhën që jemi, sipas të dhënave nga Tatimet, rezulton se Shpresim Bajraktari me kompaninë “Kliko Market”, është i zhytur në borxhe.

Jo pak, por janë 16 milionë lekë borxh të regjistruara në Tatime.

I dashuri i falimentuar i Vjollca Hoxhës/ Milionat e borxheve të

Një tjetër kompani e Bajraktarit e vënë në sekuestro për borxh tatimor është edhe “EASY INVEST” me numër identifikimi L61424017H.

Pas licencimit ka rezultuar se kjo kompani ka keqpërdorur të dhënat private të qytetarëve dhe në këtë pikë ka reaguar Komisioneri për të Drejtën e Informimit dhe Mbrojtjen e të Dhënave Personale.

Komisioneri ka kryer verifikim dhe hetim administrativ në kompaninë e Shpresim Bajraktarit dhe ka gjetur shkelje dhe e ka dënuar financiarisht.

“EAYSY INVEST” rezulton se ka mbi tetë milionë lekë borxhe në tatime.

Në vitin 2022, kompania në fjalë rezulton në borxh me tatimet, në shumen 829 675 lekë të rinj.

Mbi 5 milionë ka qenë borxhi kryesor, i cili është shtuar ndër vite, plus edhe kamatat duke shkuar kështu në mbi 8 milionë lekë detyrime ndaj shtetit.

Ndër këto, 7.6 milionë janë sigurime të papaguara.

Një shkelje e dyfishtë e ligjit Prej Bajraktarit, pasi nuk paguan as sigurimet e punonjësve.

I dashuri i falimentuar i Vjollca Hoxhës/ Milionat e borxheve të

Kompania "Speed Taxi", në pronësi të Shpresim Bajraktarit, është vënë në sekuestro për detyrime tatimore të papaguara.

Sipas Drejtorisë së Përgjithshme të Tatimeve, regjistrimet tregojnë se kompania “Speed Taxi”, nuk ka paguar në afatin ligjor detyrimet në vlerën 11 329 573 lekë.

Ky borxh është rritur dhe në muajin maj 2022, ka shkuar në shumën 12 559 036 lekë.

Nga këto  91 milionë lekë janë sigurime të papaguara.

E njëjta kompani rezulton debitore dhe ndaj Bashkisë Tiranë. Debia ndaj Bashkisë Tiranë shkon në vlerën 865 115.7 lekë.

I dashuri i falimentuar i Vjollca Hoxhës/ Milionat e borxheve të

Pra, ka dokumente se Shpresim Bajraktari që më shumë përflitet si i dashuri i Vjollca Hoxhës, është i mbytur në borxhe dhe sulmet e "Topit" ndaj drejtuesve të institucioneve financiare, nuk mund ta shpëtojnë./CNA.al

Lajmet e fundit nga