Dokumente-Nga bankat në tatime/ Shpresim Bajraktari "i mbytur” në borxhe, loja me NIPT-et sekondare

24 Maj 2022, 09:19, Aktualitet CNA

Një zinxhir kompanish në pronësi të Shpresim Bajraktarit janë drejt falimentimit, ashtu siç ka shkruar më herët CNA.al.

Bajraktari i cili njihet dhe lakohet si i dashuri i pronares së “Top Media”, rezulton i mbytur në borxhe, ca nga detyrimet tatimore dhe ca nga borxhet-kredi.

Sot po sjellim se si njëra kompani e tij dhe konkretisht ajo ?Dillon Group?, rezulton praktikisht e falimentuar, por sipas të dhënave të QKB-së, është me status aktiv.

Shoqëria ?Dillon Group? është themeluar më 9.11.2015. me ortakë Dhimitraq Ilia dhe Shpresim Bajraktari. Në vitin 2017, e njëjta shoqëri është kaluar te vëllai i Shpresim Bajraktarit, Ervis Bajraktari.

Në vitin 2019 ka marrë një borxh në formë kredie prej 83 840 700 00 lekësh.

Në vitin 2020, e njëjta kompani rezulton me humbje në shumën 21448 725 lekë.

Po në të njëjtin vit me 29.12.2020 Dhoma e Përmbaruesve gjyqësore privatë ka dhënë urdhër për vënien e sekuestros konsevartive ndaj debitorit ?Dillon Group? për detyrime tatimore.

“Shoqëria ‘Dillon Group’ kanë marrë detyrimin e lajmërimit për ekzekutimin fillestar të detyrimit dhe nuk i është përgjigjur respektimit të afatit të kërkesave të lajmërimit. Në këto kushte duhet të vendoset sekuestro mbi aktivitetet e personit juridik Shoqëria ‘Dillon Group’ me NIPT L52311004B?, thuhet në urdhrin për sekuestron lëshuar nga Euglent Osmanaj.

Gjatë kësaj kohe ?Dillon Group? nuk e ka ndërprerë aktivitetin edhe pse nën sekuestro. Pra, për rreth katër muaj, kompania e Shpresim Bajraktarit ka punuar kundërligjshëm.

Se si dhe në ç’mënyrë duhet të ishin institucionet që duhet ta ndëshkonin, sipas standardeve ligjore që në një vend demokratik duhet të vlejnë njësoj për të gjithë.

Kompania në fjalë e ka shlyer debinë me datë 03.03.2021, ditë kur nga i njëjti përmbarues është hequr edhe masa e sekuestros.

Me datë 18.02.2021, Ministria e Financave dhe e Ekonomisë, Drejtoria e Përgjithshme e Tatimeve, Drejtoria e Tatimpaguesve të mëdhenj, Drejtoria e mbledhjes së detyrimeve tatimore të papaguara, me anë të një kërkese drejtuar Qendrës kombëtare të biznesit kanë kërkuar vendosjen e masës së sigurimit të detyrimit tatimor ndaj kompanisë ?Dillon Group?.

Pas kësaj kërkese ?Dillon Group? është vënë në sekuestro për borxhe ndaj tatimeve.

Bëhet fjalë për detyrime tatimore të papagura në vlerën e 30 251 828 lekë.

?Drejtoria e mbledhjes së detyrimeve tatimore pranë Drejtorisë së Tatimpaguesve të mëdhenj, nëpërmjet kësaj mase synon që në Qendrën Kombëtare të biznesit të mos lejohet tjetërsimi mbi pasuritë dhe të drejtat pasurore që i përkasin këtij tatimpaguesi, deri në shlyerjen e plotë të detyrimeve tatimore?, thuhet në shkresën me numër 1435,

Pas rreth 11 muajsh, të njëjtat institucione kanë përsëritur kërkesën për vënien nën sekuestro të kompanisë ?Dillon Group?, me datë 03.12.2021, pasi debitë janë shtuar, madje dyfishuar.

Për 11 muaj me radhë ?Dillon Group?, nuk i ka shlyer detyrimet tatimore, ndërkohë që ka vijuar punën.

?Me shkresën numër 1435 të datës 18.02.2021, Drejtoria e Tatimpaguesve të Mëdhenj ka vendosur masën e sigurimit të detyrimit tatimor mbi pasuritë e ‘Dillon Group’ për detyrimet tatimore të papaguara në vlerën 30 251 828 lekë. Regjistrimet tona tregojnë se tatimpaguesi ?Dillon Group?, ka detyrime tatimore të tjera shtesë që nuk janë paguar në afatin e kërkuar ligjor?, thuhet në shkresën me numër 10 473.

Shuma e debive ka shkuar në 66 872 524 lekë.

Me kredi mbi 800 milionë lekë dhe me borxhe në tatime 66 872 524 lekë, Shpresim Bajraktari si një nga ortakët e Kompanisë “Dillon Group?, me anë të administratorit Dariel Duka ka mbylluar dhjetëra adresa, ku operonte kompania e tij.

Dy javë pas vendimit për sekuestro të datës 18.12.2021, Bajraktari nxitoi të mbyllte NIPT-et sekondare. Këtë lojë që e kishte filluar në 2020-ën e ka shtrirë më pas në 2021-shin dhe në fillim të vitit 2022.

Në fund të dhjetorit 2021, ka mbyllur 38 adresa të biznesit të tij dhe në shkurt të 2022-shit, ka kërkuar në QKB mbylljen edhe të dy adresave të tjera./CNA.al

Çfarë halli ka Vjollca Hoxha në majë të Moravës?!

Skandali/ Mediat e Vjollca Hoxhës, akuzuan biznesmenin Arben Reli, për miqtë e historive rozë që i kanë 400 mijë euro borxh

Kush dhe pse po i vë gjobë biznesmenit Arben Reli?!

Letër në Ambasadën e SHBA-së për Vjollca Hoxhën dhe Ben Blushin/ Shantazh, kërcënime, fyerje dhe tentativë për të grabitur prona

Zbulohet skandali/ Pse “Top media” sulmon Drejtorin e Tatimeve dhe Ministrinë e Financave

Kompanitë e të dashurit të Vjollca Hoxhës, drejt falimentimit/ Rreth 1 miliard lekë borxh në Tatime

Aksidenti në Malin e Zi/ A është përfshirë Vjollca Hoxha apo partneri i saj?!

Çfarë e lidh Vjollca Hoxhën me Shpresim Bajraktarin?

Shantazhi i Fiks Fare/ Prokuroria: Arben Reli, qytetar i lirë