E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Çfarë halli ka Vjollca Hoxha në majë të Moravës?!

17 Korrik 2020, 12:51, Denoncim CNA

Dy emisione në dy javë të ndryshme. E gjithë vëmendja për një pronë ku janë dy biznesmenë në ortakëri, dhe Top Channel në betejë, por edhe portali i një gazete të falimentuar që përdoret për shantazh dhe sulme ndaj ?armiqve?.

Fiks Fare i kushton dy puntata dhe ngre akuzat ndaj njërës palë, dhe vëmendja shkon direkt në ndonjë skandal të madh, vjedhje apo abuzim.

Por mjafton të kërkosh pak dhe menjëherë del gjithçka në shesh. Ato që thotë Fiks-i janë disi të vjetra pasi më parë janë publikuar shumë sulme ndaj një prej ortakëve në gazetën po në pronësi të Vjollca Hoxhës, që e lexon vetëm Ben Blushi kur do ti japë kurajo vetës, pasi sulmon ?armiqtë? e tij, të zonjës Hoxha por edhe të shokëve dhe shoqeve të saj. Sot i përsërit Fiks-i duke shtuar e shtuar ujë e oriz. Frika fillon tek hapja e dosjes dhe dokumentave, Vjollca do vendimin që ajo mendon jo atë të ligjit. Sapo një institucion vepron, dikush hidhet në sulm.

Pak histori

Një biznesmen ka në pronësi një objekt gati 1000 m2, gjysmën e saj ja shet një tjetër biznesmeni. Ky i dyti me shpirtin e një investitori dhe pasionant, me dakortësinë e ortakut të ri zhvillon pronën. Investim në gati 10 vite. Punë e pandalshme, ku njëri investon dhe tjetri shikon si prona e tij merr vlerë çdo ditë. Prona zhvillohet, zgjerohet dhe legalizohet sipas të gjitha rregullave. Pasurisë i shtohet vlera dhe e gjitha nga gati 1000 m2 shkon në një total 8000 m2.

Njëri nga pronarët nuk ka hedhur asnjë qindarkë (Sefedin Bajraktari), por me zhvillimin e pronës pjesa e tij prej 500 m2 zhvillohet dhe merr vlerë, por sapo resorti hapet fillojnë problemet. Pa hedhur asnjë lekë, pa shkelur asnjë ditë, nuk do pjesën e tij prej 500 m2 por do 4000 m2, pa paguar asnjë qindarkë, pa bërë asnjë punë dhe si ndihmës për këtë punë ka gjetur gazetën e Vjollcës dhe emisionin Fiks Fare në televizionin e Vjollcës.

Ngjarjet rozë brenda në “investigim”

Media të bën gjëmën. Ben Blushi e Vjollca Hoxha e dinë mjaft mirë. Si mund të ndodhte ndryshe, a mund të pranojë Vjollca që shokët e saj që ka udhëtuar në Itali, Montekarlo, kazinot e Malit të Zi apo Greqisë psh. të mos marrin 4000 m2 sepse skanë investuar asnjë lekë dhe mund të humbin gjysmën e një resorti, tek i cili ndoshta shohin shumë ëndrra. Apo duan të kthejnë kujtimet e udhëtimeve të vjetra, por s’ju mjaftojnë 500 m2 por duan 4000 m2 si respekt ndaj historisë së tyre.

Ata kanë 500 m2 dhe këtë sja mohon askush, por siç Ben Blushi morri më një ngrehinë 2000 m2 me legalizim në Dardhë pse ato 500 m2 mos të bëhen 4000 m2?

Është njësoj si 6000 m2 në Dhërmi kur mbiu një dokument që i jepte Ben Blushit nga Kolonja goxha truall mu në breg të detit. Ka të dhëna të pakonfirmuara se ka edhe një tjetër sipërfaqe në emër të bashkëshortes, por kjo është ende e pa verifikuar zyrtarisht. Investigimi i saj vazhdon.

Kur Ben Blushi drejtor i Top Channel merr toka në bregdet, legalizon mijëra metër katrorë në Korçë, pse shokët e Vjollcës mos përfitojnë?

Kështu fillon një lumë akuzash, shantazhesh dhe shpifjesh ndaj një biznesmeni (Arben Rreli) që ka investuar shpirtin në zhvillimin e një pronë të cilën e ka blerë, njeh dhe ortakun e tij në gjithçka ai ka pasur si pronë edhe pse ska investuar asnjë qindarkë, por meqë ky i fundit është mik me Vjollcën dhe kjo ka Blushin apo Fiksin, tani duan që paratë që ka hedhur investitori ti ndajë përgjysëm me atë që nuk e di se çfarë ka ndodhur gjithë këto vite.

Turpësisht krijohen skenarë duke mohuar dhe aktet noteriale, skema me gjoja falsifikime, thjesht dhe vetëm që të ushtrohet presion ndaj organeve që po hetojnë, të cilat bashkë më shqiptarët shumë shpejt do mësojnë publikisht, pse e gjithë kjo. Kush fshihet nga pas? Kush është personi që ka udhëtuar me Vjollca Hoxhën rrugëve të Europës dhe sot e përdor televizionin Top Channel për një konflikt pronësie. Kurrë se kishtë bërë më parë Fiks-i këtë gjë, të ndërhynte mes dy palëve që janë në proces gjyqësor.

Por pasioni është i madh, nuk mund ta ndalë dot kush Vjollcën. Rubrika rozë nuk mund të marrë peng një media, një drejtor apo një emision, por ja që ndodh edhe kështu./CNA.al