LEXO PA REKLAMA!

SHKARKO APP

Skandali/ Policia mbyll muzikën në mes të ditës në plazhet e Sarandës

23 Korrik 2020, 17:34, Denoncim CNA
Skandali/ Policia mbyll muzikën në mes të ditës në

Një rast i paprecedent, i cili po godet bizneset në mes të ditës, kundër të gjitha ligjeve,  urdhrave dhe vendimeve në fuqi. Në plazhet e Sarandës, Policia ka mbyllur muzikën në baret me mjedise të hapura.

CNA.al ka siguruar një audio-skandal i cili vjen nga Saranda, ku pronari i një bari në plazh i ankohet Policisë, se po e ndëshkojnë për muzikën e ndezur gjatë ditës.

Bëhet fjalë për plazhe të hapura, publike dhe private, të cilat janë dhënë me qira nga Bashkia. Në këto ambiente është shfaqur Policia dhe ka mbyllur muzikën me zë të lartë.  Ndërkohë, në Ksamil, Himarë e kudo gjetkë mund të dëgjohet muzikë, por për Sarandën ky rregull nuk vlen.

Burime zyrtare nga Ministria e Shëndetësisë, i thanë CNA.al se është shkelur urdhri i ministres. Nuk ka një urdhër të tillë që të ndalojë muzikën në plazhet private apo publike deri në orën 20:00. Urdhri i ministres sqaron se ndalimi i muzikës është për baret dhe lokalet e mbyllura me grumbullime të mëdha të cilat mund të shkaktojnë përhapjen e Covid-19.

Pra, urdhri i ministres nuk është zbatuar siç duhet, ose minimalisht është abuzuar me të.

CNA.al komunikoi edhe komisiariatin e Policisë Sarandë, prej nga na u tha se muzika nuk do të lejohet, duke shtuar se  për  këtë duhet të lexoni urdhrin e ministres.

Në fakt vendimi i Policisë është i gabuar dhe në tejkalim të urdhrit, por Policia këmbëngul për mbylljen e muzikës në të gjitha ambientet e hapura në plazhe.

Pra, në Sarandë nuk lejohet për shkak të dëshirës së Policisë, të  pushosh në shezlong dhe të dëgjosh muzikë. /CNA.al

Lajmet e fundit nga