E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

Falsifikoi dokumentet/ Ish drejtori i Kadastrës në Sarandë përvetëson 5000 m2 në bregdet

21 Korrik 2020, 12:07, Denoncim CNA

Ardian Kola i cili një ditë më parë dha dorëheqjen nga drejtimi i Kadastrës së Sarandës pas drejtimit prej më shumë se 14 muaj të këtij institucioni duket se është përfshirë në një skandal.

Një denoncim i mbërritur në redaksinë e CNA.al nga një grup banorësh dhe biznesmenësh në sektorin e hotelerisë në këtë qytet, e akuzojnë atë se ka tjetërsuar disa parcela në pronësi shtet të cilat me miratimin e planit rregullues 2018 janë zonë e gjelbërt dhe të planifikuara për kënde lojrash në shërbim të komunitetit.

Sipas denoncimit, thuhet se këto parcela i kanë regjistruar tërësish me dokumentacion të falsifikuar dhe pa miratimin e bashkisë dhe për këtë kanë marrë dhe konfirmimin e avokatit që kanë rezultuar të jashtligjshme.

Bëhet fjalë për reth 5000 m2 në bregdet në zonën Turizëm Kanal i Çukës.

Lidhur me rastin, sipas tyre është vënë në dijeni dhe kryeministri dhe drejtori Artan Lame, njëkohësisht është bërë dhe kallëzim në Prokurori.

Bashkangjitur dokumenteve, ata sigurojnë se si ky ka dhe shumë raste të tjera në Sarandë, Ksamil dhe Berdenesh që do dalin në vazhdimësi.

CNA.al kontaktoi dhe me një prej banorëve denoncues i cili për çështje sigurie nuk do publikohet me emër.

?Në momentin që ky zotëria vetë dhe hipotekon tokat e bashkisë që janë gjelbërim dhe merr kaq guxim sa vetë dhe hedh dhe firmën, nuk ka mundësi matematike që ai ta ketë bërë pa mbështetjen e një deputeti.

Janë hipotekuar rreth 50 mijë metra katrorë. Ne kemi kërkuar sot nga bashkia të na japi konfirmim që këto tokat e regjistruaran nga filan person janë toka që keni dhënë ju apo jo. Tani me firmën dhe vulë nuk kemi marrë por gojarisht unë kam listën e personave që kanë toka në atë zonë dhe ata nuk janë fare, nuk figurojnë.

Ne e kemi çuar në Prokurori edhe avokati atje ka listën e personave që kanë toka në atë zonë. Pra neve paraprakisht e kemi të sigurt me 90% se të gjitha janë fallco prandaj dhe e çuam në Prokurori.

Ne jemi grup, kemi pallate kemi hotele, dhe para neve nuk është e ndërtuar, nuk ka pronarë, janë tokë shtet dhe në plan urbanistik s?ka pronarë.

Unë do ta faktoj që këto janë letra fallco dhe do ta mbroj deri në fund?, shprehet ai./CNA.al