web counter
LEXO PA REKLAMA!

SHKARKO APP

App Store
Google Play

E fundit!

x

Seanca ndaj Veliajt në GJKKO/ Dumani: Do t'i kërkonim gjykatës të bënim gjyq çdo ditë, por është e pamundur

16 Qershor 2026, 11:43, Aktualitet CNA

Në Gjykatën e Posaçme është duke u zhvilluar seanca me themel ndaj kryebashkiakut të arrestuar Erion Veliaj dhe bashkëpunëtorëve të tij.

Në seancën e sotme, njëri prej prokurorëve të çështjes, Altin Dumani, ka kërkuar rrëzimin e kërkesës për ndarje të të pandehurve M. L. dhe “L... sh.p.k.”

Kërkesa e prokurorisë ka ardhur me arsyetimin se provat ndaj M. L. dhe “L... sh.p.k.” ndikojnë te të tjerët.

Sa i përket kërkesës për t’u zhvilluar gjyqi njëherë në dy javë, Dumani ka thënë se edhe prokuroria mund të kërkonte gjyq çdo ditë, por dihet se kjo është e pamundur prandaj një herë në javë është e duhura.

Ndërsa në lidhje me kërkesën e kryebashkiakut të arrestuar Erion Veliaj për transmetim live të seancës, Dumani ka thënë se barazimi i seancës publike me transmetim live nuk është i bazuar në dispozita ligjore.

 

"Kërkojmë rrëzimin e kërkesës për ndarje të të pandehurve M. L. dhe 'L... sh.p.k.' Procedimi është i lidhur. Provat ndaj M. L. dhe  'L... sh.p.k.', ndikojnë edhe te të tjerët. Për kërkesën e Veliajt për transmetim live gjykata është shprehur. Seanca ështe publike. Barazimi i seancës publike me transmetimin live nuk bazohet në dispozita ligjore. Në lidhje me kërkesën për gjyq një herë në dy javë, ne kemi kërkesë tjetër. Do t'i kërkonim gjykatës të bënim gjyq çdo ditë. E dimë që kjo nuk është e mundur për shkak të ngarkesës, ndaj gjykimi një herë në javë është 'ok'”, ka thënë Dumani.





Lajmet e fundit nga