LEXO PA REKLAMA!

SHKARKO APP

Peleshi kujton idealistin Llazar Fundo/ Si e lidh figurën e tij me samitin BE-Ballkani Perëndimor

5 Dhjetor 2022, 21:22, Aktualitet CNA
Peleshi kujton idealistin Llazar Fundo/ Si e lidh figurën e tij me samitin
Ministri i Mbrojtjes, Niko Peleshi

Ministri i Mbrojtjes, Niko Peleshi, ka përkujtuar idealistin, patriotin, social-demokratin, Llazar Fundon.

Peleshi iu referua një prej veprave që Llazar Fundo shkroi kur ishte në internim, së bashku me Altiero Spinellin, manifestin e famshëm të Ventotene, duke e cilësuar si një preludë për Bashkimin Europian, që shkonte përtej asaj që po ndodh sot.

Ministri deklaroi se duke i marrë të gjithë këto ngjarje që kanë ndodhur dhe luftën që është bërë, sot Shqipëria ka të drejtën të kërkojë vendin e saj në Europën e Bashkuar.

Para dy-tre javësh mos gabohemi kemi shpallur 8 dëshmorë nga zona e Selenicës dhe ky është një proces që ka burokracinë e vet, por meriton seriozitet. Natyrisht që apeli juaj dhe vërejtja juaj do të mbahet shënim nga ne dhe do të merrni një përgjigje.

Duke iu dëgjuar të flisnit bëra një refleksion që shkon përtej ndasive komunistë apo nacionalistë se në fund të fundit të gjithë ishin shqiptarë dhe luftuan për një çështje e cila nesër do të vijë edhe si produkt i luftës dhe përpjekjeve të tyre.

Pra luftuam për Shqipërinë në krahun e vendeve të lira, në krahun e përparisë dhe në krahun e Europës. Mu kutjua, për shembull, fiks 80 vjet më parë një idealist shqiptar i quajtur Llazar Fundo, Zai Fundo siç njihet, i cili nuk ka patur një fund të mirë por le të shkojmë përtej kësaj.

I internuar në Ventotene, së bashku me Altiero Spinelli ka shkruar manifestin e famshëm të Ventotene i cili ishte një prelud për BE, madje shkon dhe përtej asaj ç’ka ka ndodhur sot ,është një realitet, projekti i BE. Fliste për Europën Federale.

Duke i marrë të gjithë këto ngjarje të cilat edhe ju i prekët, pra luftën çlirimtare, pasaportën që Shqipëria fitoi edhe për shkak të kësaj lufte, por edhe për shkak të pozicionimit të vendit në shumë ngjarje historike të shekujve të fundit, pasaportën evropiane, të drejtën për të kërkuar vendin e vet në Europën e bashkuar, në projektin e Europës së Bashkuar, duke sjellë në këtë parlament ngjarjen e nesërme, natyrisht që emocionohemi të gjithë.

Emocionohemi dhe ia vlen të gëzohemi dhe ta celebrojmë atë ditë, të pabesueshme deri para pak kohësh. Unë jam një prej studentëve të dhjetorit dhe më kumbojnë në vesh tani thirrjet “E dua Shqipërinë” si të gjithë Europa, nesër e gjithë Europa vjen në Shqipëri”, është shprehur Peleshi./ CNA.al

Lajmet e fundit nga