LEXO PA REKLAMA!

SHKARKO APP

App Store
Google Play

E fundit!

x

Mandati i Xhaçkës/ Debate në Këshillin e Legjislacionit, Bardhi përplaset me Felajn

15 Mars 2023, 12:29, Aktualitet CNA
Mandati i Xhaçkës/ Debate në Këshillin e Legjislacionit,
Foto ilustruese

Sot është mbledhur Këshilli i Legjislacionit për të shqyrtuar vendimin e Gjykatës Kushtetsuese për mandatin e ministres Olta Xhaçka.

Gjatë mbledhjes ka pasur debate mes Gazment Bardhit dhe Ermonela Felajt.

Bardhi është shprehur se kryetarja e Kuvendit po përdoret nga mazhoranca, dhe se ka vonuar 3 muaj mbledhjen, duke mos thirrur Këshillin e Legjislacionit.

“Po kalon një vit dhe mazhoranca po zvarrit një çështje që do duhej të ishte marrë tashmë në shqyrtim nga GJK. Dua të ndalem fillimisht te 5 vendimet. Unë çmoj se sa i përket vendimit që kërkon ndërhyrje në kodin e procedurës civile, Këshilli t’i rekomandojë nismëtarit që të bëjë analizën dhe të depozitojë nismën në Parlament”, u shpreh Bardhi.

Pjesë nga debati

Fatmir Xhafa: Mbledhja më e thjeshtë që mund të kishte Këshilli i Legjislacionit dhe çdo komision i zakonshëm. Kanë ardhur vendimet e Gjykatës Kushtetuese, Kuvendi është i detyruar të disponojë sipas procedurës. Sot duhet të caktojmë relatorët. Të caktojmë kur të jenë relatorët gati mbledhjen e Komisionit dhe më pas të fillojmë të diskutojmë.

Gazment Bardhi: Çdo anëtar i Këshillit të Legjislacionit ka lexuar vendimet dhe del në konkluzion. Nuk jemi te pika 3 që do paraqesim raport. Jemi në pikën 5. Do e mbajmë vetë iniciativën për këto ndryshime, apo do ia çojmë nismëtarit. Jemi në tejkalim të afatit 30-ditor që përcakton rregullorja dhe nuk kemi asnjë minutë për të humbur. Çfarë nevoje ka këtu për të caktuar relator?

Ermonela Felaj: Afati nuk lidhet me momentin e vendimmarrjes së Gjykatës Kushtetuese, por me publikimin e vendimeve në Fletoren Zyrtare./ CNA.al

Lajmet e fundit nga