LEXO PA REKLAMA!

SHKARKO APP

Integrimi në BE/ Ambasadorja Hohmann flet hapur: Nuk është rrugë e lehtë

26 Shtator 2022, 15:07, Aktualitet CNA
Integrimi në BE/ Ambasadorja Hohmann flet hapur: Nuk është
Ambasadorja e BE në Shqipëri, Christiane Hohmann

Ambasadorja e BE në Shqipëri, Christiane Hohmann ka paralajmëruar ditën e sotme se rruga e integrimit të Shqipërisë në BE nuk do të jetë e lehtë.

Këtë deklaratë ajo e bëri gjatë përurimit të çerdhes nr.3 në Durrës, e cila u dëmtua nga tërmeti i 26 nëntorit të vitit 2019 dhe u rikonstruktua me fondet e BE.

Ambasadorja theksoi se ndonëse rruga nuk është një fazë e lehtë, BE do të qëndrojë krah Shqipërisë deri në përfundimin e këtij procesi.

“Është një kënaqësi e madhe që të jem sot në Durrës. BE është këtu, ne vërtetë jemi në negociata, por ne jemi vërtetë këtu. Ajo shohim në këtë çerdhe është ajo që është bërë në këto programe. Kënaqësi të shohim sesi këto çerdhe dhe këto kopshte janë rindërtuar pas tërmetit të 2019.

Në korrik Shqipëria hapi një faqe të re të marrëdhënies së saj me BE-në, kjo ishte çelja e negociatave. Kjo fazë nuk është aspak e lehtë. Do të duhet kohë dhe punë, ne BE do qëndrojmë krah jush në këtë proces deri në përfundimin e vet. Edhe bashkitë do të luajnë rolin e tyre të rëndësishme, është e rëndësishme që së bashku të ecim para”, u shpreh Hohman./ B.A. – CNA.al

Lajmet e fundit nga