web counter
LEXO PA REKLAMA!

SHKARKO APP

E “kryqëzuan” për reagimet ndaj protestës/ Reagon Gjergj Luca: Më mbron puna dhe investimet, nuk e bëj pis atdheun

14 Qershor 2026, 15:43, Aktualitet CNA

Sipërmarrësi i njohur Gjergj Luca ka reaguar lidhur me disa opinione nëpër rrjetet sociale sa i takon qëndrimeve të tij publike ndaj protestës që po zhvillohet prej ditësh kundër qeverisë.

Përmes një video-postimi në rrjetet sociale, Luca shprehet se askush nuk mund ta bëjë të heshtë, pasi për të flet puna dhe investimet e shumta që ka bërë në vend.

Luca theksoi se nuk mund të hedhë kurrësesi baltë mbi atdheun, kjo edhe prej origjinës së tij familjare.

“Deri sa të jem gjallë, mua nuk ma mbyll kush gojën. Në respekt të një zonje ose zonjushe që ka dalë në rrjetet sociale dhe është shprehur se Gjergj Luca ka frikë nga të vërtetat e veta. Gjergj Luca është trim sepse e mbron puna, e mbrojnë investimet, e mbrojnë rrogat, e mbrojnë sigurimet shoqërore, e mbrojnë taksat, e mbron transparenca. Jam bir i dy familjeve të mëdha unë, kurrë nuk e bëj pis atdheun!”,-shprehet Luca./CNA





Lajmet e fundit nga