web counter
LEXO PA REKLAMA!

SHKARKO APP

App Store
Google Play

Basha pranon vilat luksoze/ "Lëpin" Lali Erin

27 Maj 2023, 11:24, Aktualitet CNA
Basha pranon vilat luksoze/ "Lëpin" Lali Erin
Foto ilustruese

Vilat e Lulzim Bashës janë një nga çështjet më të denoncuara në media. CNA ka publikuar herë pas here fakte se, si Basha denonconte oligarkët dhe pas disa kohësh nuk i përmendte më emrat dhe krejt rastësisht zhvendosej në vilat e tyre.

I tillë ishte rasti i biznesmenit Agron Papuli, të cilin Basha e kishte cilësuar si oligark dhe në tetor të vitit 2019 u zhvendos në kompleksin e vilave të tij në “Long Hill”, në periferi të Tiranës. Një tjetër vilë luksoze është ajo në Gjirin e Lalzit.

Marrjen e këtyre vilave nga oligarkët e denoncoi edhe kryebashkiaku i Tiranës, Erion Veliaj.

Në vitin 2020, ai ngriti një sërë akuzash ndaj Lulzim Bashës, asokohe kryetar i opozitës. Veliaj akuzoi Bashën se në kohën e pandemisë kishte marrë 4 vila, ndërkohë që atëherë edhe CNA kishte nxjerrë vilat e Lulit.

“Kryetari juaj, ai i gjumit, ai që i ngeci sahati sapo u bë me katër vila të reja. Vitin e tërmetit, si ka mundësi? Si ka mundësi vitin që të gjithë shqiptarët o i humbën, o iu dëmtua shtëpia, kryetari i opozitës bëhet me katër vila, me këto gjobat që iu thashë. Gjobë këtij e gjobë atij që t’i mbyllin gojën, një biznesmen thotë po t’i jap çfarë do dhe të bie rehat”, tha Veliaj më 2 tetor të 2020-ës gjatë një takimi me qytetarët.

Këto akuza kryebashkiaku socialist i artikuloi disa herë, ndërsa në të njejtin muaj Basha e paditi në gjykatë për shpifje.

Basha pranon vilat luksoze/ "Lëpin" Lali Erin

Basha i mohoi akuzat, pasi gjithmonë shprehej se nuk ka vila, jeton në apartament, i ka marrë me qira dhe justifikime të tilla.

“Nuk kam asnjë vilë. Jam me qira për arsye familjare të cilat jua kam shpjeguar. Jo se nuk kam patur mundësi sepse nuk kam hyrë në politikë i varfër. Unë nuk kam asgjë për të fshehur”, deklaronte Basha në 14 janar të 2021-shit.

Dje u zhvillua seanca gjyqësore e radhës, në të cilën Basha dhe avokati i tij nuk u paraqitën, duke bërë që GJKKO të pushojë çështjen.

Në rast se Basha nuk do t’i kishte këto vila, duhej të përballej me Veliajn dhe të dënohej për shpifje kryebashkiaku i Tiranës.

Por Luli as nuk denjoi të shkonte, pra as nuk shkoi në gjykatë. Që do të thotë me mosparaqitjen e tij, Luli ka pranuar më në fund ka pranuar publikisht se është pronar i vilave te “Long Hill”.

CNA i ka denoncuar, kryebashkiaku reagoi, tani Luli nuk shkoi në gjyq. Si qëndron e vërteta Luli ende nukm e ka pranuar.

Pra, kryetari i opozitës, i cili drejtoi 8 vjet PD-në, në opozitë u pasurua dhe thjeshtë dhe vetëm shtoi vilat.

Tashmë ai dëshiron të kthehet në krye të PD-së dhe të marrë opozitën që nga dy të bëjë 4, 6, 8 apo 10 vila, thjeshtë dhe vetëm për të shtuar vilat dhe pasurinë e tij, siç shtoi vilat dhe pasurinë e knunatit kur ishte kryetar në detyrë./ CNA.al





Lajmet e fundit nga