web counter
LEXO PA REKLAMA!

SHKARKO APP

App Store
Google Play

Basha del nga vila/ Rikthehet me premtime në lagjen ku është rritur

26 Mars 2021, 13:37, Politikë CNA

Kryedemokrati Lulzim Basha  ka lënë vilën e tij luksoze dhe është rikthyer në lagjen ku është rritur. Në një takim me banorët  në njësinë nr.8 në Tiranë është shprehur i lumtur që kthehet në lagjen e fëmijërisë së tij. Sipas tij, kjo qeveri ka rritur në maksimum taksat dhe e vetmja gjë që po bëjnë është mbushja e xhepave të tyre.

?Rikthehem në lagjen time që ka mbetur e njëjta siç ka qenë kur kam qenë fëmijë. Ndryshimi është urgjent sepse një qytet me një pasuri legjendat nuk mund të lejojë se nga keqqeverisja të jetë në këtë gjendje. Ka 8 vite që rriten taksat dhe qytetarët nuk dëgjohen. Kjo qeveri po kujdeset vetëm për xhepat e tyre?, u shpreh Basha.

Më tej ai u shpreh se PD ka në qendër të vëmendjes rininë si dhe ofrimin e mundësive të punësimit dhe pengimin e largimit të të rinjve.

?Misioni kryesor është mbi supet e rinisë dhe ju jeni instrumenti i ndryshimit. Mendimi që më përshkon trurin është që ju jeni njëlloj si rinia evropiane. Jeta u ka bërë të tillë. E vetmja gjë që keni nevojë është një qeveri që mendon për ju dhe ua bën më të lehtë arsimimin. Mesazhi im është që asnjë i ri të mos shoh largimin si shpresën e vetme?, shtoi Basha./CNA.al





Lajmet e fundit nga