LEXO PA REKLAMA!

SHKARKO APP

“Nuk ka arsye që bordi i oligarkëve të jetë në fuqi”/ Tabaku, thirrje parlamentit

26 Maj 2023, 10:47, Aktualitet CNA
“Nuk ka arsye që bordi i oligarkëve të jetë në
Deputetja Jorida Tabaku

Deputetja Jorida Tabaku i ka bërë thirrje parlamentit që të mblidhet për të kërkuar pezullimin e Bordit të Karburantit.

Në  një reagim në rrjetet sociale, Tabaku shkruan se qeveria duhet të zbatojë vendimet e Gjykatës Kushtetuese e cila ka vendosur shfuqizimin e bordit.

Deputetja thotë se, vendimi i GJK-së është i qartë dhe në mbrojtje të xhepave të shqiptarëve që paguajnë më shtrenjtë naftën prandaj sipas saj nuk ka asnjë arsye logjike dhe ligjore që bordi i oligarkëve të jetë në fuqi.

Ajo nënvizon se, i takon qeverisë që të veprojë, dhe të mos bëhet ortake në çmimet e larta që vendos bordi.

Qeveria duhet të zbatojë vendimet e Gjykates Kushtetuese!

Gjykata kushtetuese ka vendosur që Bordi i Ushqimeve dhe Bordi i Karburanteve perveçse antikushtetuese i kanë kryer funksionet e tyre në kohë!

Në shkelje të plotë të konkurencës, me një rast të pashembullt në botë, bizneset e mëdha u ulën në tryezë me qeverinë e përcaktuan çmimet në dëm të xhepit të qytetarëve! Nga kjo shkelje e kushtetutës të paktën 600 mln Euro u paguan shtesë nga qytetarët në arkën e bizneseve që uleshin në tavolinë për të vendosur çmimin.

Bordi i Ushqimeve ndonëse ligjërisht ende i pashkrirë de facto nuk po mblidhet më. Ndërkohë që Bordi i Karburanteve vazhdon avazin e vjetër duke vendosur çmime në kurriz të shqiptarëve për naftën.

E gjitha kjo kur ka një vendim të GJK që flet qartë, kur jemi përballë një situate që nuk është më emergjente dhe kur çmimet e naftës dhe gazit në tregun ndërkombëtar janë stabilizuar!

Vendimi i GJK është i qartë dhe në mbrojtje të xhepave të shqitparëve që paguajnë më shtrenjtë naftën prandaj nuk ka asnjë arsye logjike dhe ligjore që bordi oligarkëve të jetë në fuqi. I takon qeverisë që të veprojë, por e kuptoj dhe hezitimin e saj pasi është ortake në çmimet e larta që vendos bordi. Prandaj i bëj thirrje dhe parlamentit që të mblidhet për të kërkuar pezullimin e aktivitetit të këtij bordi.

Jam e bindur që ka shumë prej kolegëve socialistë që mund të ndajmë shumë mendime të ndryshme por puqemi pikërisht në çmendurinë e këtij bordi sidomos pas vendimit të Gjykatës Kushtetuese.

Detyra e Parlamentit! Detyra e çdo deputeti është të mbrojë interesin e shqiptarëve, pasi ata janë zgjedhësit tanë dhe jo një klub oligarkësh që u vendos atyre çmimin e lartë të naftës duke ua shtrenjtuar jetën më shumë se sa inflacioni socialist!”, shkruan Tabaku./ CNA.al

Lajmet e fundit nga