LEXO PA REKLAMA!

SHKARKO APP

Xhaçka ngre shqetësimin në Këshillin e Sigurimit/ “Rritja e sulmeve kibernetike, alarmante”

26 Maj 2023, 09:32, Aktualitet CNA

Xhaçka ngre shqetësimin në Këshillin e Sigurimit/

Ministrja e Punëve të Jashtme, Olta Xhaçka, ka ngritur shqetësimin në Këshillin e Sigurimit të OKB-së, sa u përket sulmeve kibernetike duke thënë se rritja e tyre është alarmante dhe përbëjnë një kërcënim për paqen dhe sigurinë ndërkombëtare.

Ajo theksoi se sulmet kibernetike në Shqipëri ishin të orkestruara nga Irani dhe ishin një dëshmi e brutalitetit keqdashës.

Vetëm këtë vit, thotë Xhaçka, më shumë se 40 sulme kibernetike kanë prekur 19 vende.

Përparimi i shpejtë teknologjik mbart gjithashtu rreziqe dhe sfida.Të shqetësuar për rritjen alarmante të sulmeve kibernetike që synojnë shtetet dhe infrastrukturat e tyre jetike.

Vetëm këtë vit, më shumë se dyzet sulme kibernetike kanë prekur 19 vende.

Sulmi kibernetik në Shqipëri, kemi prova të padiskutueshme se u orkestrua dhe u sponsorizua nga Irani.

Dëmi u frenua, por ishte një dëshmi e brutalitetit të aktivitetit keqdashës kibernetik.

Akte të tilla përbëjnë një kërcënim për paqen dhe sigurinë ndërkombëtare dhe duhet të trajtohen si të tilla.

Veprimet e Rusisë kanë shkaktuar bllokime në komunikim jo vetëm në Ukrainë, por edhe në pjesë të tjera të Evropës.

Vendet e Ballkanit Perëndimor janë shënjestruar sistematikisht nëpërmjet fushatave të manipulimit të informacionit.

E gjithë kjo për të shkaktuar paqëndrueshmëri politike dhe për të minuar aspiratat e tyre euroatlantike.

Koreja e Veriut është bërë po ashtu një shembull famëkeq i aktiviteteve të përsëritura keqdashëse”, është shprehur Xhaçka./ CNA.al

Lajmet e fundit nga