LEXO PA REKLAMA!

SHKARKO APP

"Kriminelët strehohen në Dubai"/ Dumani: Trafikantët po fshehin para në parajsa fiskale

26 Maj 2023, 13:49, Aktualitet CNA
"Kriminelët strehohen në Dubai"/ Dumani: Trafikantët po
Kreu i SPAK-ut, Altin Dumani

Kreu i SPAK-ut, Altin Dumani, teksa raportoi në Komisionin e Ligjeve punën vjetore, tha se një numër i madh kriminelësh shqiptarë strehohen në Dubai.

Altin Dumani u shpreh te “Ligjet” se shumë kriminelë nuk mund të përballen me drejtësinë shqiptare, pasi nuk ka një marrëveshje ekstradimi me Dubain.

Dumani tha se trafikantët shqiptarë po fshehin para në parajsat fiskale, si edhe kanë vendosur kontakte të drejtpërdrejta me Amerikën Latine.

Ai tha me krenari se puna kryesore e SPAK, ndër të tjera ka lulëzuar në atë që ai e quajti sekuestrimi i pasurive të prodhuara nga krimi. Madje, Dumani tha se jo vetëm është hetuar pasuria e atyre që janë dënuar në Shqipëri, por është hetuar dhe sekuestruar sipas rastit, edhe pasuria e atyre shqiptarëve që janë dënuar jashtë vendit për çështje të ndryshme, kryesisht për krimin e organizuar dhe trafikun e lëndëve narkotike. Në këtë aspekt, Dumani nënvizoi se shqiptarët konsiderohen nga autoritetet e huaja, si grupe kriminale me impakt të rëndësishëm në trafikun e narkotikëve, duke specifikuar se tashmë, drejtuesit shqiptarë të bandave kanë vendosur kontakte të drejtpërdrejta me Amerikën Latine, aty ku prodhohet kokaina.

Ai tha se trafikantët shqiptarë kanë sofistikuar mënyrën se si komunikojnë me njëri-tjetrin, duke përdorur aplikacione që janë të papërgjueshme ose jo lehtësisht të dëgjueshme nga hetuesit, dhe paratë po i transferojnë përmes disa kanaleve jo formale të transfertave të parave. Shqiptarët po investojnë në parajsa fiskale, në ato vende ku nuk je i detyruar të tregosh burimin e parave. Shqetësim shprehu për Dubain, duke thënë se është një qytet i cili po strehon një numër të madh të kërkuarish shqiptarë për vepra të rënda penale, por nuk vijnë në Shqipëri të përballen me drejtësinë, sepse nuk ka një marrëveshje ekstradimi”, është shprehur gazetarja Esjona Konomi./ CNA.al

Lajmet e fundit nga