LEXO PA REKLAMA!

SHKARKO APP

Nga konfiskimet te veprat penale për pastrim parash/ Dumani raporton mbi bilancin e SPAK-ut për vitin 2022

26 Maj 2023, 11:36, Aktualitet CNA

Nga konfiskimet te veprat penale për pastrim parash/ Dumani raporton mbi

Kreu i SPAK-ut, Altin Dumani, po raporton në Komisionin e Ligjeve bilancin e SPAK-ut për vitin 2022.

Dumani ka theksuar se është në rritje numri i veprave penale për pastrim parash, duke thënë se janë evidentuar çështje edhe nga jurdiksione të huaja.

Sa u përket konfiskimeve, Dumani u shpreh se Shqipëria ka pasur një përmirësim të performancës. Ai nënvizon se në SPAK thuajse për çdo procedim penal kryhet dhe hetim pasuror.

Kreu i SPAK-ut tha se është treguar kujdes i veçantë në rastet ku grupet kriminale nga jashtë vendosin pasuri në Shqipëri, duke theksuar se edhe kjo tipologji e rasteve është në rritje.

Kemi rritje të numrit të konfiskimeve dhe sekuestrimeve të pasurive të paluajtshme.

Në tetor të 2022-shit institucionet ligjazbatuese kanë rritur numrin e regjistrimit të veprave penale për pastrim parash. Rastet për pastrim parash janë në rritje.

Janë evidentuar çështje nga juridiksione të huaja. Në lidhje me konfiskimet, Shqipëria ka përmirësuar performancën e saj.  

Në SPAK pothuajse për çdo procedim penal kryhet dhe hetim pasuror. Nga ana e SPAK-ut është treguar kujdes i veçantë ku tregohet se rastet kur grupet kriminale jashtë vendosin pasuri në Shqipëri”, tha Dumani./ CNA.al

Lajmet e fundit nga