LEXO PA REKLAMA!

SHKARKO APP

Pano Soko e zbulon për CNA/ Cilat janë pasojat që sjell rritja e pagave të deputetëve

26 Maj 2023, 19:35, Aktualitet CNA
Pano Soko e zbulon për CNA/ Cilat janë pasojat që sjell rritja e
Eksperti i ekonomisë, Pano Soko

Eksperti i ekonomisë, Pano Soko, në një prononcim për CNA, foli për rritjen e pagave të deputetëve dhe ministrave gjatë seancës së djeshme plenare.

Soko thotë se rritja e pagave të deputetëve do të ketë një impakt të madh në Buxhetin e Shtetit, konkretisht 5 milionë dollarë.

Por për ekspertin problemi më i madh qëndron te diskriminimi social, pasi pretendon se në këtë mënyrë do të rritet pabarazia sociale.

“Impakti në Buxhetin e Shtetit do zë jetë jo pak i madh, 5 milionë dollarë. Problemi është diskriminimi social, pabarazi sociale. Shkëputje mes përfaqësuesve të popullit dhe popullit. Në vendet demokratike ka korelacion të drejtë. Në Gjermani ky raport është 1 me 2. Deputetët marin 10 mijë euro, ndërsa paga mesatare është 5 mijë euro.

Në Shqipëri e kemi pasur këtë raport, ku deputeti merrte neto rreth 120 mijë lekë, ndërsa qytetari 60 mijë lekë. Thyerja e këtij raporti ka thyer barrierat e diskriminimit. Është në kufijtë e diskriminimit. Një deputet do të paguhet 4 herë më shumë se një qytetar”, shprehet ai.

Soko insiston se ligjvënësit duhet të vuajnë pasojat e politikave që hartojnë, ndërsa shprehet se ky vendim është konflikt interesi.

“Deputeti duhet të jetë pjesëmarrës në pasojat që politikat që ai harton, prodhojnë tek qytetarët. Kur ekonomia nuk performon mirë, edhe deputeti duhet të jetë bashkëpjesëmarrës. Nuk mund të kemi diferencim të tillë ku thua qytetar vuaj krizën që ne prodhuam dhe ne e shmangëm veten tonë nga kjo krizë. Qytetarët që nuk kanë prodhuar asgjë, nuk janë qytetarët që marin vendime për tenderat, janë drejtuesit dhe qytetarët janë pasuesit. Deputetët nëpërmjet ligjeve të tilla iu shmangen përgjegjësisë.

Nëse deputetët donin të rrisnin pagën e deputetit nuk mund ta bënin për veten. Është konflik interesi. Mund ta rrisnin për legjislaturën e ardhshme.  Ata na thanë, juve vuani ekonominë sepse ne i rrisim pagat vetë”, theksoi eksperti i ekonomisë.

Ndërkohë, kujtojmë se me bashkimin e votave të mazhorancës dhe opozitës, në seancën plenare të kësaj të enjteje u dyfishuan pagat e deputetëve dhe u rritën në masën 80% ato të ministrave./ CNA.al

Lajmet e fundit nga