LEXO PA REKLAMA!

SHKARKO APP

E fundit!

x

Balla: I kam mbaruar hesapet e mia me Sali Berishën

23 Nëntor 2023, 22:03, Aktualitet CNA
Balla: I kam mbaruar hesapet e mia me Sali Berishën
Ministri Taulant Balla

Ministri Taulant Balla ka folur për akuzat e ish-kryeministrit Sali Berisha në lidhje me implikimin e Bajrajve në zgjedhje si dhe për akuzat se Bajri është lënë të ikë nga policia e shtetit.

Në Opinion, Balla bëri me dije se e vërteta është ndryshe. Bajri sipas Ballës ka qenë jashtë vendit dhe është kapur me bashkëpunim të Interpolit dhe Policisë së Shtetit dhe është sjellë në Shqipëri.

Më tej i është përgjigjur pyetjes ngacmuese të gazetares Fatjona Medjini se pse e përmend me inciale Sali Berishën ndërkohë që e akuzon në SPAK, Balla tha se me ish kryeminsitrin Berisha i kishte mbyllur hesapet e tij si politikan.

“Unë si Taulant Balla si politikan i kam mbaruar hesapet e mia me Sali Berishën.

Si ministër i brendshëm nuk hyj në diskutim politik”, tha Balla.  

“Ka një element që dua ta sqaroj. Ky personi që ju i referoheni dhe e vendosni në thonëjza për akuzat që bën në rastin në fjalë tha se këtë person këta e njoftuan dhe e la të ikte.

E vërteta ishte krejt ndryshe. Ky personi jetonte prej kohësh jashtë Shqipërisë dhe është kjo polici shteti që këtë person e gjeti në bashkëveprim me Interpolin e solli këtu”, sqaroi Balla në lidhje me rastin e Bajrit./ CNA

Lajmet e fundit nga