E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Avokati gjen “zgjidhjen e artë” për Ramën/ Si tu shpëtojë hetimeve

3 Mars 2024, 21:55, Aktualitet CNA

Avokati gjen “zgjidhjen e artë” për Ramën/ Si tu

Avokati Genc Gjokutaj ka gjetur zgjidhjen e artë për kryeministrin Edi Rama se sit u shpëtojë hetimeve.

Gjokutaj thotë se për t’iu shmangur hetimeve, publikut, gazetarëve dhe gjithë rehatprishësve të tij zgjidhja është që të hyjë në Big Brother Vip.

Ai e ka ironizuar duke thënë se aty do të rehatohej plotësisht se banorët nuk kanë dijeni për asgjë dhe do të mbante lart audiencën me promovimin e Portit të Durrësit, mbresave të Nusretit, aeroporteve të reja, inceneratorëve madje të sajojë dhe ndonjë takim me Presidentin Joe Biden.

“Një zgjidhje e artë për KM në këtë situatë për t’ju shmangur hetimeve, publikut, gazetarëve dhe gjithë rehatprishësve të tij që mos gjetshin qetësi o Zot është hyrja në shtëpinë e Big Brother Vip!

Atje do të relaksohet e rikuperohet plotësisht! Ngaqë banorët nuk janë në dijeni të asgjëje mundet që audiencën brenda shtëpisë ta mbajë lart me promovimin e Portit të Durrësit, mbresave nga Nusreti, aeroporteve të reja në çdo qytet të Shqipërisë, inceneratorëve si histori suksesi madje madje t’ju sajojë edhe ndonjë takim me Presidentin Biden gjatë kohës që banorët kanë qenë brenda!

Deri këtu punët do të shkojnë vaj! Që ky projekt shmangie-evakuimi i KM të finalizohet me sukses dhe Shqipëria të shpëtojë KM dhe veten sepse si koncepte nuk mund të ndahen duhet që produksioni i Big Brother VIP të:

1. Të zgjasë afatin e Big Brother Vip deri në një urdhër të dytë!

2. Të mos nominojë KM deri në fund të spektaklit!

3. Të lejojë takimin e KM jashtë kamerave me personat që atij do t’i duhen për menaxhimin e situatës jashtë shtëpisë!

4. Ledion Liço të vazhdojë moderimin por që nga momenti i hyrjes së KM brenda në shtëpi të asistohet e survejohet nga Engjell Agaçi!

5. Duçka dhe Neza të sistemohen tek kazerma e shtëpisë pa të drejtë takimi me KM për arsye imazhi dhe sigurie!

Kjo lëvizje “smart” e KM do të bëjë të mundur që Shqipëria dhe shqiptarët të mos nëpërkëmben më me “fake case” nga Perëndimi dhe ShBA! Nëse veprohet shpejt se koha nuk pret Shqipëria nuk do të jetë më në rrezik!”, thotë Gjokutaj./ CNA