LEXO PA REKLAMA!

SHKARKO APP

Batutat e Ramës në Rrëshen/ “Kur vijmë ne bien kambanat”

3 Mars 2024, 17:02, Aktualitet CNA

Batutat e Ramës në Rrëshen/ “Kur vijmë ne bien

Kryeministri Edi Rama ka inspektuar sot ambientet e shkollës profesionale “Shën Jozefi Punëtor” që përgatit nxënësit nga Kurbini, Lezha, Fushë-Kruja, Mati, Kukësi e Dibra në fushat Hoteleri – Turizëm, Elektroteknikë, Informatikë, Shërbime Mjetesh e Transporti, Instalues Sistemesh Hidrosanitare.

Rama deklaroi se qeveria do të përfshihet në një partneritet publik-privat me kishën katolike që ka organizuar këtë sistem shkollimi, për të zgjeruar kapacitetin dhe për krijimin e kushteve optimale të jetesës për nxënësit.

Gjatë inspektimit Rama u shoqërua nga Imzot Dom Gjergj Meta i cili tha se po bëhen përpjekje për zgjerim të bashkëpunimit të shkollës me bizneset, duke theksuar se ka kërkesa të mëdha për profesionet që mësohen në shkollë.

“Tani gjithmonë e më shumë do të thellohet kjo se bizneset po e kuptojnë gjithmonë e më shumë se duhet të investojnë edhe vet për këtë sepse ndryshe nuk iu vjen njeri te dera”, është shprehur Rama.

“Kjo është edhe një nga përpjekjet që bëjmë që t’i ofrojmë biznesit që ata të financojnë shkollën dhe të interesohen për këtë. Nëse do të gjenim një mundësi bashkëpunimi, do të ishte një gjë shumë e mirë për mësuesit dhe nxënësit.

Një nga bashkëpunimet më të mira që kemi pasur ka qenë me një shkollë profesionale në Trento. Ata kanë shumë përvojë në këtë gjë dhe kemi pasur shkëmbime të herëpashershme në Trento se është një rajon autonom dhe na ofron mundësi”,u shpreh Dom Gjergj Meta.

Ashtu siç e ka zakon në takimet e tij nuk munguan as batutat.

 “Ne të kemi bërë një pikë që të vijnë të luten dhe të thonë; aman të vijmë nga Gjimnazi dhe të futemi te ju. Ogur i mirë që kur vijmë ne, dhe bien kambanat”, tha Rama./ CNA

Lajmet e fundit nga