LEXO PA REKLAMA!

SHKARKO APP

Sistemi i drejtësisë/ Artur Metani, mesazh magjistratëve

10 Maj 2022, 08:18, Aktualitet CNA
Sistemi i drejtësisë/ Artur Metani, mesazh magjistratëve

Në Ditën e Drejtësisë, Inspektori i Lartë i Drejtësisë, Artur Metani, ka uruar magjistratët dhe ka dhënë një mesazh për ta.

Metani tha se duhet angazhimi i të gjithëve për të pasur institucione të forta e të besueshme.

?Krijimi i respektit për punën e drejtësisë është një përpjekje, që shkon përtej sistemit. Ai është edhe kontribut i faktorëve të tjerë në shoqëri, veçanërisht atyre politikë e mediatikë. Krijimi i një mjedisi demokratik për respektimin e sistemit të drejtësisë nuk është as çështje ligji, as çështje vendimmarrjeje.

Kushtetutshmëria, shteti ligjor, respekti për punën e tjetrit apo të asaj që quhet ndarja e pushteteve janë standarde, që duhen ushqyer çdo ditë me largpamësi, jashtë interesit të çastit, duke e mirëmenduar në vizion afatgjatë çdo fjalë të thënë dhe çdo gur të hedhur ndaj sistemit të drejtësisë. Si shoqëri duhet të jemi gati të pranojmë edhe vendime që nuk na pëlqejnë?, u shpreh Inspektori i Lartë i Drejtësisë.

Gjithashtu Metani ka bërë të ditur se sot do të publikohet anketa, përmes së cilës u kërkohet qytetarëve të shprehen mbi punën e ILD-së./ CNA.al

Lajmet e fundit nga