web counter
LEXO PA REKLAMA!

SHKARKO APP

App Store
Google Play

E fundit!

x

Denoncon Këlliçi/ Rruga e vjetër Tiranë-Durrës braktiset nga shteti

9 Maj 2022, 16:26, Aktualitet CNA

Deputeti i Partisë Demokratike, Belind Këlliçi, ka publikuar disa pamje dhe tregon gjendjen aktuale të rrugës së vjetër Tiranë-Durrës, nga kthesa e Lalmit e deri në dalje të Ndroqit.

Duke iu referuar denoncimeve të banorëve të zonave përgjatë rrugës rurale Tiranë-Durrës, Këlliçi thotë se arnat e asfaltit nuk mbajnë më.

Deputeti deklaron se shteti e ka braktisur këtë rrugë, e cila sipas tij, nuk mund të quhet “rrugë alternative” por thjesht “rrugë me gropa”.

?Banorët denoncojnë gjendjen e rrugës së vjetër Tiranë-Durrës, aksi nga kthesa e Lalmit e deri në dalje të Ndroqit.

Qeveria së fundmi ka filluar të promovojë rrugët alternative për efekt të lirimit të trafikut. E provuan një eksperiment të tillë me rrugën e Rinasit.

Tani shikoni si kjo rrugë alternative që lidh Tiranën rurale me Durrësin dhe jugun e vendit, pavarësisht rëndësisë së saj, braktiset nga shteti.

Arnat e asfaltit nuk mbajnë sepse uji vërshon në rrugë.

Gropat e kësaj rruge i njoh një më një sepse është zona ime zgjedhore.

Në këtë nivel amortizimi nuk mund të quhet “rrugë alternative” por thjesht “rrugë me gropa”, shkruan Këlliçi në rrjetet sociale./ CNA.al





Lajmet e fundit nga