E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

Ajas Sulejmani endej i lirë prej 2014-ës/ Klodian Tomorri, “dush të ftohtë” policisë

8 Maj 2022, 18:41, Aktualitet CNA

Gazetari Klodian Tomorri ka reaguar me tone të ashpra për mosarrestimin e Ajas Sulejmanit, i cili pavarësisht se ishte shpallur në kërkim që prej 2014-ës nga autoritetet britanike, endej i lirë në Tiranë.

Tomorri përmend deklaratën e Policisë së Shtetit për procedimin penal dhe ndëshkimet e Ajasit dhe vë në pah propagandën.

Ai shtron pyetjen se si një person që ka 8 shkelje të Kodit Rrugor vazhdon të qarkullojë lirshëm me patentë dhe si nuk është arrestuar një person në kërkim ndërkombëtar për trafikim narkotikësh kur është verifikuar në komisariat.

“Për të treguar se gjasme po punon, policia nxjerr një deklaratë, ku thotë se shoferin që shkakatoi aksidentin e ka ndëshkuar 8 herë për shkelje të Kodit Rrugor. Por budallëku nuk mbaron me kaq.

?Madje- thotë në deklaratë policia- është shoqëruar edhe para tre javesh për verifikim nga strukturat e trafiqeve.? Dhe për ta ilustruar këtë shpërndan dhe pamjet e shoqërimit para tre javëve. Domethënë propaganda është që policia punon.

Por një gjë nuk merret vesh. Një person ka 8 shkelje të Kodit dhe vazhdon të qarkulloje lirshëm me patente. Siç duket me 8 herë nuk quhesh. Herën e 9-të ta heqin patentën.

Së dyti, kjo struktura e verifikimit që e shoqëroi para tre javësh, për ça e verifikoi? Se mediat shkruajnë se shoferi ishte në kërkim ndërkombëtar. Siç duket e kanë verifikuar që kishte ngrënë darkë apo jo.

Domethënë këtu ka plasur budallëku aq sheshit sa që budalliqet thuhen haptaz. Edhe në deklarata zyrtare”, shkruan gazetari në rrjetet sociale.

Ndërkohë, kujtojmë se Sulejmani u vu në pranga për aksidentin e sotëm në Rrugën e Kavajës, ku përplasi me një makinë luksoze një çift me foshnjën 3-muajshe në karrocë.

Policia raportoi se 39-vjeçari ishte nën efektin e lëndëve narkotike, ndërsa familja e aksidentuar është dërguar në spitalin e Traumës, por nuk dihet gjendja e tyre aktuale shëndetësore./ CNA.al