Pasi i quajti serbë, deputeti i Lulit u “lutet” demokratëve/ Bashkohuni me ne të fitojmë bashkitë

16 Janar 2022, 19:37, Politikë CNA

Pasi i quajti serbë, deputeti i Lulit u “lutet”

Nesër presidenti Ilir Meta do të shpallë datën për zgjedhje të parakohshme për bashkitë që janë pa kryetar.

Edhe pse në vitin 2019 PD vendosi të bojkotojë zgjedhjet vendore, sot del e bën thirrje për pjesëmarrje.

Deputeti i Lulzim Bashës, Kreshnik Çollaku, rreth një muaj më parë ka krahasuar Foltoren me strukturat paralele të Beogradit.

Sipas tij, demokratët që janë pjesë e Foltores, nuk mund ta shkarkojnë Lulzim Bashën, aq sa strukturat paralele të Beogradit në Kosovë, nuk mund të shkarkojnë Albin Kurtin.

?E vërteta përkundër iluzioneve

Aq sa strukturat paralele të Beogradit në Kosovë mund të shkarkojnë Albin Kurtin aq dhe një strukturë paralele (nëse quhet Foltore apo jo ) mund të shkarkojë Lulzim Bashën?, shkruante Çollaku.

Por ndërsa i ka quajtur serbë, budallej, horra e lloj-lloj epitetesh të tjera, apo edhe kur i mbytën me gaz lotsjellës, sot Çollaku po të njëjtëve demokratë u bën thirrje për bashkim, në mënyrë që të fitojnë ato pak bashki që janë pa kryetar.

Po sot kujtohet që nëse grindjet vazhdojnë, atëherë demokratët do u falin pushtetin socialistëve, kur në fakt një gjë të tillë e bënë në vitin 2019.

?Demokratet e Dibres,Shkodres e Durresit shume shpejt mesa duket do te duhet te futen ne zgjedhje lokale.

Ose do te bashkohen per ti fituar Bashkite,ose do te vazhdojne grindjet pa kuptim mes vetit,duke ua falur pushtetin socialisteve.

Eshte kaq e thjeshte dhe po aq absurde?, shkruan Çollaku./CNA.al