web counter
LEXO PA REKLAMA!

SHKARKO APP

App Store
Google Play

E fundit!

x

Partizani ndez motorrët, do patjetër fitoren ndaj Skënderbeut

30 Nëntor 2021, 12:10, Sport CNA

Partizani është rikthyer në fushë pasditen e djeshme pas dy ditëve pushim që nga fitorja e madhe me përmbysje me shifrat 2-1 në ?Elbasan Arena? ndaj Teutës për javën e dhjetë të Kategorisë Superiore.

Në dispozicion të trajnerit Ilir Daja ishte thuajse e gjithë skuadra, me trajnerin që u përqendrua më shumë në ushtrimet me topin, sesa ato fizike për shkak se skuadra vinte pas një ndeshjeje me ngarkesë të madhe si ajo ndaj kampionëve në fuqi. Ajo që u vu re menjëherë, ishte atmosfera shumë më e mirë se para ndeshjes me Teutën. Kishte entuziazëm dhe dukej sikur presioni më në fund ishte ulur.

Trajneri vendosi ta bënte nxehjen pa top fillimisht, përpara se çdo ushtrim i skuadrës të kryhej me sferën në këmbë. Trajneri Daja, i cili njihet për stilin e tij të lojës me pasime të shpejta dhe pa mbajtje topi të tepërta, u kërkoi vazhdimisht djemve të luanin shpejt dhe saktë. Madje, në një moment kur skuadra po dilte nga direktivat e tij, e ndali për pak sekonda stërvitjen duke dhënë udhëzime më konkrete.

Më pas skuadra provoi të luante edhe me krosime dhe pasime të gjata, ku u vu re fakti se luhej shumë pastër dhe pa faulle, diçka që Daja e kërkon vazhdimisht për të mos ulur ritmin e ndeshjes. Një pjesë e madhe e stërvitjes u zhvillua nën reshjet e shiut, por pa problem për lojtarët e stafin, që vazhduan stërvitjen si zakonisht. Në fund shiu u bë shumë shqetësues sepse nisi të binte me rrebesh dhe trajneri Daja e pa të arsyeshme të fërshëllente për t?i drejtuar lojtarët në dhomat e zhveshjes.

Seanca stërvitore nisi në 15:00 dhe përfundoi në orën 16:30, duke zgjatur 90 minuta. Pas vërshëllimës së Dajës lojtarët u larguan menjëherë, por kjo nuk ndodhi me portierët. Teqja, Laroshi dhe Hoxha qëndruan për t?u ushtruar disa minuta më shumë, pa u penguar nga shiu, që po binte pa pushuar dhe me rrebesh.





Lajmet e fundit nga