LEXO PA REKLAMA!

SHKARKO APP

Kuvendi i 11 dhjetorit/ Të tjerë delegatë i dorëzojnë firmat Edi Palokës

30 Nëntor 2021, 12:04, Politikë CNA
Kuvendi i 11 dhjetorit/ Të tjerë delegatë i dorëzojnë

Delegatët e degëve të PD në Tiranë, vijojnë të dorëzojnë firmat në zyrën e kreut të Këshillit Kombëtar, Edi Paloka, për mbledhjen e Kuvendit Kombëtar në 11 dhjetor.

Kështu, mësohet se rreth mesditës së sotme, delegatët e degëve 4 dhe 11, kanë shkuar në ambientet e selisë blu dhe kanë dorëzuar firmat e atyre që mbështesin ish-kryeministrin Berisha. Ata janë shprehur qartë se do të jenë në Kuvendin e 11 dhjetorit, të thirrur nga Berisha.

Të parët kanë qenë përfaqësuesit e degës 11, të cilët kanë depozituar në zyrën e Edi Palokës firmat e 88 delegatëve që janë pro Berishës. Kjo degë në total ka 117 delegatë me të drejtë vote.

Po ashtu, edhe shumica e delegatëve të degës 4 të Tiranës, kanë firmosur pro Kuvendit të datës 11 dhjetor.

Në degën 4, nga 111 delegatë me të drejtë vote 97 prej tyre kanë firmosur për Kuvendin e datës 11 dhjetor. Ndërsa 14 të tjerë janë pro Lulzim Bashës. Kryetari i degës ka lexuar emrate  të gjithë delegatëve që kanë firmosur ?pro?, para selisë blu.

Kryetari i degës 4, në një prononcim per mediat tha se “Ne kemi caktuar datën tonë duke qenë se ne mendojmë se vendimet e marra nga Basha deri sot kanë qenë në kundërshtim të statutit. Ne nuk jemi kukulla por njerëz që zbatojmë vendimmarrjen e PD-së. Duke qenë se ky është një person që na çon vetëm në humbje, ne besojmë vetëm tek lëvizja e Berishës. Ai duhet të mbronte dhe anëtarin më të thjeshtë të PD jo më themeluesin historic të PD, Sali Berishën.

Të rregullohet statusi i kryetarit, nuk mund të vazhdojë të emërohet në post në pafundësi. Do diskutohet edhe largimi i Bashës, por kjo nuk do thotë se ai është përjashtuar nga PD, mund të kandidojë si kryetar por të jetë anëtar i thjeshtë.”/CNA.al

Lajmet e fundit nga