LEXO PA REKLAMA!

SHKARKO APP

Trageti me 173 persona në bord përplaset me anijen/ Shfaqet Ardi Veliu, fajëson motin

27 Nëntor 2021, 13:18, Aktualitet CNA
Trageti me 173 persona në bord përplaset me anijen/ Shfaqet Ardi

Një incident është regjistruar në Portin e Durrësit, mesnatën e kaluar.

Për shkak të motit të keq, tragetit ?Ventouris? është përplasur me anijen cargo ?Professor B?.

Trageti i cili ishte nisur drejt Barit të Italisë mbante me vete 173 pasagjerë dhe pas përplasjes u rikthye në port dhe për pasojë u anulua udhëtimi.

Zv. ministri i Instrastrukturës dhe Energjetikës, Ardi Veliu ka qenë sot në vendngjarje dhe k aka sqaruar rrethanat në të cilat ka ndodhur përplasja.

 ?Mbrëmë gjatë natës ka ndodhur një incident në akuariumin e Portit të Durrësit. Me porosi të veçantë të zonjës ministre sot së bashku me drejtorin e portit dhe me drejtorin e përgjithshëm të detarisë kemi zhvilluar një analizë në lidhje me këtë incident.  Ka pasur një avari të vogël gjatë daljes nga akuariumi të 2 trageteve. Ka pasur vetëm dëme të vogla materiale. Bëmë një analizë për të evidentuar se çfarë nuk ka funksionuar mirë apo për të identifikuar problematika të cilat mund të kenë ndodhur gjatë kësaj manovra me qëllim eliminimin për ta bërë Portin e Durrësit sa më të sigurt.

Gjatë manovrës që ka bërë trageti për të dalë nga akuariumi, duke parë edhe kushtet atmosferike që kanë qenë shumë të këqija, forca e detit ka qenë mbi 6 ballë brenda në akuarium dhe më shumë se 7 ballë jashtë. Kjo ka qenë faktor që e ka bërë të vështirë veprimin e duhur të kapitenit për të shmangur incidentin?, ka thënë Veliu./CNA.al

Lajmet e fundit nga